जळगाव मिरर | २६ जून २०२३
छत्रपति शाहू महाराज यांच्या जयतीनिमित्त कुसुमताई फाऊंडेशन निस्वार्थ अन्न सेवा तर्फे १० वी,१२वी शालेयविद्यार्थ्यांच्या गुणवंत विद्यार्थ्यांचा सत्कार सोहळा दि.२५ रोजी कार्यक्रम आयोजित करण्यात आला होता.
यावेळी कार्यक्रमाचे प्रमुख अतिथी जळगाव शहराचे महापौर सौ.जयश्रीताई महाजन यांनी कार्यक्रमांचे दिप प्रज्वलन करून उद्घाटन केले.यावेळी प्रमुख उपस्थिती प्रा.गणपत धुमाळ सर (एस.एस.मणियार लॉ कॉलेज), डॉ.प्रशांत मोरे ( निम्स हॉस्पिटल,संचालक), ईश्वर मोरे (संचालक ब्लॅक कॅट सिक्युरिटी), अँड. मधुकर सपकाळे(जिल्हा सत्र न्यायालय,जळगाव), विकास पाटील सर (नूतन मराठा कॉलेज) यांची विशेष उपस्थिती. कार्यक्रम सुरुवातीस मा. महापौर जयश्रीताई महाजन यांनी आपले उद्घाटन पर मनोगत व्यक्त तसेच इतर सर्व प्रमुख मान्यवरांनी आपले मनोगत व्यक्त केले त्यांनतर कार्यक्रमांचे अधक्ष्य मां. प्रा.गणपत धुमाळ यांनी आपले अध्यक्षीय भाषण करून विद्यार्थ्यांना मार्गदर्शन केले. कार्यक्रम प्रसांगी विद्यार्थांना एक ट्रॉफी प्रमाणपत्र व पुष्गुच्छ देऊन जाहीर सत्कार करण्यात आला याप्रसंगी प्रमुख उपस्थिती मधे प्रामुख्याने कानळदा गावातील युवक मयूर भंगाळे हे महाराष्ट्र राज्य सेवा परीक्षामधे उत्तीर्ण झाल्याबद्दल यांचे विशेष सत्कार करण्यात आला.
यावेळी कार्यक्रमात प्रभाग क्रमांक १ मधील विद्यार्थी व पालक वर्ग उपस्थित होता कार्यक्रमाचे प्रास्ताविक सामाजिक कार्यकर्ते विजय सुरवाडे यांनी केले तसेच आभार मा. शुभम घाटे यांनी मानले व कार्यक्रमाचे सूत्रसंचालन मा.प्रफुल नाना पाटील यांनी केले. कार्यक्रम यशस्वी करण्यासाठी सागर सपकाळे (अध्यक्ष), नितीन भाऊ मोरे,वृषभ चव्हाण,चेतन धमके यांनी मेहनत घेतली
