जळगाव मिरर | २३ ऑक्टोबर २०२४
शहरातून वावडदाकडे जात असलेल्या चारचाकीतून सात लाख ३४ हजार ४१० रुपयांचा मद्यसाठा जप्त केला. ही कारवाई एमआयडीसी पोलिसांनी वावडदा नाका येथे दि. २२ ऑक्टोबर रोजी सायंकाळच्या सुमारास केली. या प्रकरणी वाहनचालक संकेत शालिग्राम मालकर (वय २४, रा. आदर्शनगर, जळगाव) याच्याविरुद्ध एमआयडीसी पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, विधानसभा निवडणुकीच्या पार्श्वभूमीवर मद्य, रोकड व अन्य वस्तूंच्या वाहतुकीवर पोलिसांची करडी नजर आहे. एमआयडीसी पोलिस ठाण्याचे पोलिस निरीक्षक दत्तात्रय निकम पेट्रोलिंग करीत असताना त्यांना जळगावकडून वावडदाकडे एका वाहनातून (एमएच १९, सीझेड २४४४) बेकायदेशीर मद्याचा साठ्याची वाहतूक केली जात असल्याची माहिती त्यांना मिळाली. त्या वेळी त्यांनी विधानसभा निवडणुकीच्या पार्श्वभूमीवर वावडदा नाका येथे असलेल्या तपासणी नाक्यावरील पोलिस नाईक गणेश वंजारी पोकॉ अमोल पाटील, समाजकल्याण विभागाचे निरीक्षक चेतनकुमार साळुंखे यांना या वाहनाच्या तपासणी विषयी सांगितले. त्यानंतर काही वेळातच पोलिस निरीक्षक निकम यांच्यासह पोकों प्रदीप पाटील, पोकॉ.तुषार गिरासे हे देखील पोहचले.
