जळगाव मिरर | २० जुलै २०२६
स्टॉक मार्केटमध्ये गुंतवणूक करून त्यातून मोठा नफा मिळवून देण्याचे अमिष दाखवत कॉम्प्युटर क्लास चालक राजेंद्र पुंडलिक चामंगळे (वय ५७, रा. अमळनेर) यांची ६ लाख ८३ हजार रुपयांमध्ये फसवणूक करण्यात आली. ही घटना दि. १५ मे ते दि. ३० जून दरम्यान घडली. याप्रकरणी सायबर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, अमळनेर येथील कॉम्प्युटर क्लास चालक असलेले राजेंद्र चामंगळे हे दि. १५ मे रोजी फेसबुक पाहत असताना त्यांना स्टॉक मार्केटसंदर्भात जाहिरात दिसली. त्यात गुंतवणूक करण्यासाठी त्यांनी संबंधित वेबसाईटवर प्रोफाईल नोंद केली तव त्यांना व्हाटसअॅप ग्रुपमध्ये अॅड करण्यात आले. क त्याद्वारे आदिती सिंग नामक अकाऊंट मॅनेजर न शेअर मार्केटविषयी माहिती देत होत्या. त्यानुसार न चामंगळे यांनी १८० डॉलरची गुंतवणूक केली. त्यांचे खाते सुरू करण्यासाठी आदिती सिंगने त्यांचे आधार कार्ड क्रमांक, पॅन कार्ड क्रमांक, मोबाईल क्रमांक व इतर माहिती घेतली. त्यानंतर त्यांनी ७ हजार ६४१ डॉलरची गुंतवणूक केली.
गुंतवणुकीनंतर कोणताच परतावा न मिळता चामंगळे यांची एकूण ६ लाख ८३ हजार ५०० रुपयांमध्ये फसवणूक करण्यात आली. या प्रकरणी सायबर पोलिस ठाण्यात आदिती सिंग नामक महिलेविरुद्ध गुन्हा दाखल करण्यात आला आहे. तपास पोलीस निरीक्षक प्रदीप ठाकूर हे करीत आहे.
