जळगाव मिरर | २१ एप्रिल २०२६
जळगावच्या शैक्षणिक क्षेत्रात Motion जळगावने पुन्हा एकदा आपली भक्कम छाप उमटवली आहे. JEE Mains 2 च्या निकालात वेदांत अहिरराव याने AIR 299* मिळवत शहराचा गौरव वाढवला, तर यथार्थ ठाकूरने AIR 2987* मिळवत उल्लेखनीय यश संपादन केले. यंदा Motion जळगावचे अनेक विद्यार्थी JEE Advanced साठी पात्र ठरले आहेत.
अवघ्या पाच वर्षांत IITs, NITs आणि देशातील इतर अग्रगण्य संस्थांमध्ये सातत्यपूर्ण निवडी घडवून संस्थेने नवा मानदंड निर्माण केला आहे. NEET परीक्षेतही १६ विद्यार्थ्यांची शासकीय वैद्यकीय महाविद्यालयांमध्ये निवड झाली आहे.
कोटा पद्धतीवर आधारित अभ्यासक्रम, अनुभवी शिक्षक व विद्यार्थ्यांना मिळणारे सातत्यपूर्ण मार्गदर्शन यामुळे हे यश शक्य झाले असल्याचे संस्थेकडून सांगण्यात आले. या यशाबद्दल सर्व विद्यार्थी व पालकांचे अभिनंदन करण्यात आले असून, संस्थेच्या गुणवत्तेची ही यशोगाथा अधिकाधिक लोकांपर्यंत पोहोचवण्याचे आवाहन करण्यात आले आहे.
