जळगाव मिरर । ९ ऑगस्ट २०२३
राज्यातील पुणे शहर म्हटले म्हणजे पुणे तिथे काय उणे अशीच म्हण नेहमी ऐकायला मिळत असते. पण याच पुण्यातील मुंडवा परिसरात एका कार्यक्रमात दरम्यान बनावट दोन हजार रुपयांच्या नोटांचा जणू काही पाऊस पडत आहे अन कार्यक्रमात मोठा राडा झाला.
मिळालेल्या माहितीनुसार पुणे शहरातील मुंडवा परिसरात एका हॉटेलमध्ये कव्वालीचा कार्यक्रम सुरू असताना गायकावर दोन हजार रुपयांच्या बनावट नोटांची उधळण केल्याने मोठा राडा होत तोडफोड झाल्याचा प्रकार उघडकीस आला आहे. या नोटांवर प्रसिद्ध कव्वाल बिस्मिल्ला यांचा फोटो देखील छापण्यात आला होता. आयोजकांनीच या नोटा उपलब्ध करून दिल्याचे देखील समजते. नोटा उधळल्यानंतर हा कार्यक्रम बंद देखील करण्यात आला असून कार्यक्रम बंद केल्याने सात ते आठ जणांनी हॉटेलमध्ये शिरले या टोळक्यांनी हॉटेलची तोडफोड देखील केली. याप्रकरणी मुंढवा पोलीस ठाण्यात गुन्हा देखील दाखल केला आहे.
