बहिणीने दिला बाळाला जन्म तर भावावर गुन्हा दाखल
जळगाव मिरर | २२ सप्टेंबर २०२३
राज्यातील महिलांसह तरुणीवर होणाऱ्या अत्याचाराच्या घटना नियमित वाढत असताना पुणे शहरातून एक संतापजनक घटना समोर आली आहे. बहीण भावाच्या नात्याला काळिमा फासणारी हि घटना आहे. याप्रकरणी बहिणीच्या तक्रारीवरून गुन्हा दाखल करण्यात आला आहे.
मिळालेल्या माहितीनुसार, पुण्यातील वानवडी एकाच घरात राहणाऱ्या १४ वर्षीय बहिणीवर तिच्या २४ वर्षाच्या भावाने लैंगिक अत्याचार केले आहे. ज्यातून पिडीत मुलगी गर्भवती राहिली असून तिला आता एक बाळ झाले आहे. या प्रकरणानंतर पीडित आईच्या मुलीने पोलीस ठाण्यात गुन्हा दाखल केला आहे. या घटनेमुळे पुन्हा एकदा महिला अत्याचारांच्या घटनेत वाढ झाल्याचे समोर आले आहे. पीडित मुलगी आपल्या आई, वडील आणि भावासोबत याठिकाणी राहत आहे.
पीडितेची आई धूनी भांड्याची काम करते तर वडील वॉचमनचे काम करतात. दिवसभर हे दोघे घरी नसल्यामुळे त्याचाच फायदा आरोपी भावाने घेतला. आई वडील दोघेही कामाला गेल्यानंतर पीडित मुलगीच घरी असल्यामुळे भावाने लहान बहिणीवर लैंगिक अत्याचार केले. गेल्या एका वर्षापासून हा सर्व प्रकार सुरू होता. एकेदिवशी अचानक पीडित मुलीच्या पोटात दुखू लागल्याने तिला दवाखान्यात घेऊन जाण्यात आले. यावेळी डॉक्टरांनी ती गर्भवती असल्याची माहिती कुटुंबीयांना दिले.
थोड्या वेळानंतरच पीडित मुलीने एका बाळाला जन्म दिला. या सर्व घटनेनंतर पीडित मुलीच्या आईने वानवडी पोलिस ठाण्यात तक्रार दाखल केली आहे. आता 24 वर्षीय आरोपी भावावर गुन्हा दाखल करण्यात आला आहे. सध्या या सर्व घटनेचा तपास पोलिसांकडून केला जात आहे. परंतु ही घटना उघडकीस आल्यानंतर संपूर्ण परिसरात खळबळ माजली आहे.
