जळगाव मिरर | ३१ डिसेंबर २०२४
रस्ता ओलांडत असताना दुचाकीने धडक दिल्यामुळे गंभीर जखमी झालेले जिल्हा परिषदेच्या अर्थ विभागातील लेखाधिकारी दिलीप काशिनाथ वानखेडे (वय ५४, रा. खोटेनगर) सांचा उपचार सुरू असताना सोमवारी दुपारी मृत्यू झाला. वानखेडे यांच्या मुलाने केंद्रीय लोकसेवा आयोगाची परिक्षा उत्तीर्ण झाला होता. त्यामुळे त्यांच्या कुटुंबियांमध्ये आनंदाचे वातावरण होते, मात्र दुर्देवी काळाने त्यांच्यावर झडप घातल्याने परिवारावर शोककळा पसरली आहे.
मिळालेल्या माहितीनुसार, जिल्हा परिषदेच्या अर्थ विभागातील लेखाधिकारी दिलीप वानखेडे हे गुरुवारी दि. २६ डिसेंबर रोजी दुपारी शासकीय वाहनाने जिल्हाधिकारी कार्यालयात कॅफोसह गेले होते. जेवणाचा डबा नसल्याने महाराष्ट्र बँकेलगत ते पराठे घेण्यासाठी आले. त्यांनी पोलिस निवासस्थानाजवळ बाहन लावून ते पायी रस्ता ओलांडत असताना क्रीडासंकुलाकडून भरधाव वेगाने विरुद्ध दिशेने आलेल्या दुचाकीस्वाराने त्यांना जोरदार धडक दिली होती. यात ते हवेत फेकले जावून खाली पडले व त्यांच्या डोक्याला जबर मार लागला. इतर सहकाऱ्यांनी त्यांना खासगी रुग्णालयात दाखल केले होते. त्याठिकाणी उपचार सुरू असताना सोमवारी दुपारच्या सुमारास त्यांची प्राणज्योत मालवली.
वानखेडे यांच्या पली आजारी असल्याने त्यांचे २०१९ मध्ये निधन झाले होते. त्यानंतर कोरोना काळात त्यांच्या आई वडीलांचे देखील निधन झाल्याने यानखेडे कुटुंबियांवर दुःखाचा डोंगर कोसळला होता. या दुःखातून सावरत नाही तोच वानखेडे यांच्यावर महिनाभरापुर्वी हृदयासंबंधित शस्त्रक्रिया पार पडली होती. त्यानंतर आता त्यांचा अपघातात दुर्देवी मृत्यू झाल्याने सर्वत्र हळहळ व्यक्त केली जात आहे.
