जळगाव मिरर | १७ जुलै २०२६
पाचोरा तालुक्यातील मोंढाळा येथील २८ वर्षीय नेहा लीलाधर पाटील या महिलेने १५ जुलैला दुपारी १२ वाजेपूर्वी आपल्या राहत्या घरी गळफास घेऊन आत्महत्या केल्याची दुर्दैवी घटना घडली.
मिळालेल्या माहितीनुसार, नेहा पाटील यांनी गळफास घेतल्याची बाब लक्षात येताच कुटुंबीयांनी त्यांना तातडीने पाचोरा ग्रामीण रुग्णालयात दाखल केले. मात्र, वैद्यकीय अधिकाऱ्यांनी तपासणीअंती त्यांना मृत घोषित केले. तर, विवाहितेच्या आत्महत्येमागील नेमके कारण अद्याप स्पष्ट झालेले नाही.
या दुर्दैवी घटनेमुळे मोंढाळा गावासह परिसरात हळहळ व्यक्त होत आहे. मयत नेहा पाटील यांच्या पश्चात पती व तीन वर्षांची मुलगी असा परिवार आहे. त्यांच्या अकाली निधनामुळे कुटुंबावर दुःखाचा डोंगर कोसळला आहे. मयत नेहा पाटील यांच्यावर बुधवारी रात्री ८ वाजता मोंढाळा येथे शोकाकूल वातावरणात अंत्यसंस्कार करण्यात आले.
