जळगाव मिरर / १८ डिसेंबर २०२२
मध्यरात्री चोरीच्या उद्देशाने अज्ञात चोरट्यानी घरात प्रवेश करीत वृद्ध दांपत्याची गळा दाबून हत्या करण्यात आली आहे. हि घटना औरंगाबाद जिल्ह्यातील पैठण तालुक्यातील फारोळा गावात घडली आहे. ही हत्याच असल्याचा प्राथमिक अंदाज पोलिसांनी वर्तवला आहे. तर घटनास्थळी गुन्हे शाखेच्या पथकासह श्वानपथक आणि ठसेतज्ज्ञ यांनी पाहणी केली आहे. तर भीमराव खरनाळ (वय 65 वर्षे) आणि शशिकला खरनाळ (वय 58 वर्ष) असे मृत वृद्ध दांपत्याचे नावं आहे. ग्रामपंचायत निवडणुकीच्या बंदोबस्तात तैनात असलेल्या पोलिसांनी घटनेची माहिती मिळताच घटनास्थळी धाव घेतली.
पोलिसांनी दिलेल्या प्राथमिक माहितीनुसार, औरंगाबाद-पैठण महामार्गावर असलेल्या फारोळा गावातील विजयनगर येथे भीमराव खरनाळ आणि शशिकला खरनाळ हे दाम्पत राहत होते. दरम्यान काल मध्यरात्री अचानक घरात अज्ञात व्यक्तीने घसून त्यांना मारहाण केली. त्यानंतर दोघांचा गळा दाबून हत्या केली. आज सकाळी हि घटना उघडकीस आली आहे. तर घटनेची माहिती मिळताच बिडकीन पोलिसांनी घटनास्थळी धाव घेत पाहणी केली. तसेच दोन्ही वृद्ध दांपत्याचे मृतदेह बिडकीन येथील शासकीय घाटी रुग्णालयात उत्तर तपासणीसाठी पाठवण्यात आले आहे. पोलिसांनी घटनास पाहणी केली आहे. तर श्वानपथक आणि ठसेतज्ज्ञ यांना देखील पाचारण करण्यात आले होते. मृत महिलेच्या अंगावरील दागिने ओरबाडून नेले असल्याचे पाहायला मिळाले. त्यामुळे हा सर्व प्रकार चोरीच्या उद्देशाने घडला असून, विरोध केला असता हत्या करण्यात आल्याचा अंदाज पोलिसांनी वर्तवला आहे. त्यामुळे पोलिसांकडून सर्वच बाजूने तपास करण्यात येत आहे.
