जळगाव मिरर / १६ फेब्रुवारी २०२३
मध्य प्रदेशातील कथावाचक पंडित प्रदीप मिश्रा यांच्या सीहोर स्थित कुबेरेश्वर धाममधील रुद्राक्ष महोत्सवाच्या पहिल्या दिवशी गर्दीमुळे स्थिती नियंत्रणाबाहेर गेली. रुद्राक्ष घेण्याच्या नादात अक्षरशः चेंगराचेंगरीसारखी स्थिती उद्भवली. त्यात एका महिलेचा मृत्यू झाला.
घटनास्थळी मिळालेल्या माहितीनुसार, महोत्सवाच्या ठिकाणी एवढी गर्दी आहे की पायी चालणेही अवघड झाले आहे. रुद्राक्ष न मिळालेले लोक पंडित मिश्रांविरोधात नारेबाजी करत आपल्यापावली माघारी जात आहेत. येथे जवळपास 10 लाख जण जमल्याचा अंदाज आहे. त्यामुळे मुख्यमंत्री शिवराज सिंह चौहान यांनीही आपला येथील प्रस्तावित दौरा रद्द केला आहे. मंडी ठाण्याचे ASI धर्मसिंह वर्मा यांनी सागितले की, मध्य प्रदेशातील सिहोर जिल्ह्यातील कुबेरेश्वर महादेव येथील परिस्थिती अनियंत्रित झाली आहे. वाढत्या गर्दीपुढे प्रशासनही झुकले आहे. तोच रुद्राक्ष धारण केल्याने चेंगराचेंगरीसारखी परिस्थिती आहे. चेंगराचेंगरीत एका महिलेचाही मृत्यू झाला. नाशिकच्या मालेगाव येथील मंगला बाई (50) नामक महिलेची प्रकृती अचानक बिघडली होती. ती चक्कर येऊन खाली पडली. त्यातच तिचा मृत्यू झाला.
गुरुवारी सकाळची कुबेरेश्वर धाम ते इछावर रोडपर्यंत 7 किमी लांबीचा जाम होता. सीहोर ते इंदूरच्या दिशेने 17 किमी व भोपाळच्या दिशेने 10 किमी लांबीच्या महामार्गावरही जाम होता. गर्दीमुळे मोबाईल नेटवर्कवरही ताण आला होता. पोलिस व प्रशासनाच्या टीम व्यतिरिक्त आरएसएस, बजरंग दल, स्थानिक लोक, समिती सदस्य असे एकूण 15,000 लोक व्यवस्था सांभाळत आहेत. कथा पंडाल, अन्न पंडाल, रुद्राक्ष वितरण केंद्र येथे त्यांची ड्युटी लावण्यात आली आहे. महोत्सवाच्या सुरक्षेची जबाबदारी ASP गितेश गर्ग सांभाळत आहेत. नगर पोलिस अधीक्षर निरंजन सिंह राजपूत व मंडी ठाण्याचे प्रभारी हरिसिंह परमार यांचीही या ठिकाणी नियुक्ती करण्यात आली आहे. पोलिस 2 शिफ्टमध्ये काम करत आहेत. कार्यक्रमस्थळी एकूण 700 पोलिस तैनात करण्यात आलेत.
