जळगाव मिरर | १८ फेब्रुवारी २०२६
छत्रपती शिवाजी महाराज जयंती निमित्त किसान विद्या प्रसारक संस्था शिरपूर व धुळे जिल्हा बॉक्सिंग संघटनेच्या संयुक्त विद्यमाने राज्य बॉक्सिंग पंच परीक्षा तसेच नाशिक विभागीय बॉक्सिंग स्पर्धा दि. २० ते २२ फेब्रुवारी २०२६ दरम्यान शिवछत्रपती पुरस्कार विजेते दादासो विश्वासराव रंधे क्रीडा संकुल शिरपूर येथे भव्य स्वरूपात आयोजित करण्यात आली आहे. सदर स्पर्धेस महाराष्ट्र बॉक्सिंग संघटनेची अधिकृत मान्यता लाभलेली आहे.
या राज्यस्तरीय उपक्रमांतर्गत तांत्रिक अधिकारी परीक्षा STOCCP, STAR-१, STAR-२ व STAR-३ पंच परीक्षा तसेच विभागीय सामने पार पडणार असून, महाराष्ट्रातील विविध जिल्ह्यांतून मोठ्या संख्येने पंच व खेळाडू सहभागी होणार आहेत.
राज्य बॉक्सिंग पंच परीक्षेस प्रमुख मार्गदर्शक म्हणून महाराष्ट्र बॉक्सिंग संघटनेचे महासचिव भरतकुमार व्हावळ यांचे मार्गदर्शन लाभणार आहे. तसेच सहाय्यक मार्गदर्शक म्हणून कॅप्टन सुरेश कदम (चेअरमन, RJCCP – आंतरराष्ट्रीय पंच), श्री. विजय गोटे (सचिव, RJCCP – आंतरराष्ट्रीय पंच) व श्री. अभिमान सुर्यवंशी (सचिव, रेफरी जज कमिशन – राष्ट्रीय पंच) यांचे तज्ज्ञ मार्गदर्शन परीक्षार्थींना मिळणार आहे.
महाराष्ट्र बॉक्सिंग संघटनेचे अध्यक्ष प्रवीण दरेकर, उपाध्यक्ष डॉ. तुषार रंधे, महासचिव भरतकुमार व्हावळ, महाराष्ट्र बॉक्सिंग नाशिक विभागीय प्रचार-प्रसार समितीचे सचिव डॉ. मयुर ठाकरे तसेच नाशिक विभागीय सचिव मयूर बोरसे यांनी राज्यातील सर्व पंच, प्रशिक्षक व खेळाडूंना उत्स्फूर्त सहभागाचे आवाहन केले आहे. या भव्य आयोजनासाठी विजेंद्र जाधव, ऋषिकेश अहिरे, सागर कोळी, प्रा. भरत कोळी, धीरज पाटील, ओम राजपूत, राज पाटील, सुरज शिरसाट, नयन सोनवणे व मयूर बोरसे हे अथक परिश्रम घेत असून नियोजन, समन्वय व व्यवस्थापनाची जबाबदारी प्रभावीपणे पार पाडत आहेत.
रिंगमध्ये उतरताना जिद्द आणि शिस्त सोबत ठेवा, प्रत्येक फटका हा तुमच्या स्वप्नांच्या दिशेने टाका. परिश्रम, प्रामाणिकपणा आणि आत्मविश्वास हीच खरी ताकद आहे, यश तुमच्या धैर्याला नक्कीच सलाम करेल.
— डॉ. तुषार रंधे
उपाध्यक्ष, महाराष्ट्र बॉक्सिंग संघटना
अध्यक्ष, धुळे जिल्हा बॉक्सिंग संघटना
