जळगाव मिरर | १४ जून २०२३
राज्यात आपल्या भाषणाने व हास्य विनोदी बोलीतून अवघ्या राज्याला हसविणारे छोटा पुढारी नेहमीच चर्चेत असतो पण सध्या हाच छोटा पुढारी मोठ्या अडचणीत अडकला आहे. आज दि १४ रोजी छोटा पुढारी असलेल्या घनश्याम दराडे याच्या चारचाकीचा अपघात झाल्याची घटना सकाळी ९ वाजेच्या सुमारास पुणे – सोलापूर महामार्गावर हवेली तालुक्यातील सोरतापवाडी ग्रामपंचायत हद्दीत अपघात झाल्याची घटना घडली आहे.
यावेळी घनश्याम दराडे यांच्या समवेत आई – वडील, व आणखी दोघेजण असल्याची माहिती मिळाली आहे. या अपघातात दराडे यांच्या आईला किरकोळ जखम झाली असुन, गाडीचे मोठे नुकसान झाले आहे. अपघातस्थळावरुन मिळालेल्या माहितीनुसार, घनश्याम दराडे यांचे आई – वडील, व आणखी दोघेजण बुधवारी (ता. १४) सकळी पुणे – सोलापूर महामार्गावरून उरुळी कांचनहुन पुण्याच्या बाजूने निघाले होते. याचवेळी सोरतापवाडी ग्रामपंचायत हद्दीतील फाट्यावर अचानक एक वाळूच्या डंपरने दराडे यांच्या चारचाकीला चालकाच्या उजव्या बाजूने ठोस दिली.
या अपघातात चारचाकी गाडीचे नुकसान झाले असून अपघातस्थळी मोठी गर्दी झाली होती. अपघाताची माहिती मिळतात. दराडे स्वतः घटनास्थळी पोचले होते. लोणी काळभोर पोलिस घटनास्थळी पोचले असुन, अधिक माहिती घेण्याचे काम सुरु आहे. जगातगुरु संत तुकाराम महाराज यांची पालखी आज बुधवारी लोणी काळभोर मुक्कामी असल्याने शेकडो पोलिसांचा बंदोबस्त करण्यात आला आहे. त्यामुळे सोलापूरच्या बाजूने येणारी वाहतूक वळवण्यात आली आहे, तरीही हा डंपर महामार्गावर कसा आला व अपघात कसा झाला असा प्रश्न उपस्थित होत आहे.
