जळगाव मिरर | १० मे २०२४
मुलाचा वाढदिवस असल्याने घरात वाढदिवस साजरा करण्यासाठीची लगबग सुरु होती. मुलाच्या दिर्घायुष्यासाठी दाम्पत्याने सकाळी मंदिरात प्रार्थना देखील केली. मात्र दुपारच्या सुमारास अमित नंदलाल कटारिया (वय ३२, रा. गणेश नगर) या तरुण पित्याने गळफास घेत आत्महत्या केल्याची घटना गुरुवारी दुपारच्या सुमारास गणेश नगरात घडली. या घटनेमुळे परिसरात हळहळ व्यक्त होत आहे.
मिळालेल्या माहितीनुसार, शहरातील फुले मार्केट परिसरात चूनरीचे व्यापारी असलेले अमित कटारीया हे आदर्श नगरात दोन महिन्यांपुर्वी रहायला आले होते. त्यांचा तीन वर्षाचा मुलगा सन्मित याचा आज वाढदिवस असल्याने ते पत्नीसोबत सकाळी शहरातील गुरुद्वारा येथे दर्शनासाठी गेले होते. याठिकाणी कटारीया दाम्पत्याने सन्मितच्या दिर्घायुष्यासाठी प्रार्थना देखील केली. त्यानंतर ते दुपारी गणेश नगरात राहणाऱ्या आपल्या आईच्या भेटीसाठी गेले. अमित वांनी आईला मी वरच्या रुममध्ये आरामासाठी जात असल्याचे सांगत ते वरच्या खोलीमध्ये गेले. परंतु काही वेळानंतर अमित यांनी ओढणीच्या सहाय्याने गळफास घेत आपली जीवनयात्रा संपवली. याप्रकरणी जिल्हापेठ पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास पोकों संदीप पाटील है कीरीत आहे.
