जळगाव मिरर | ४ ऑक्टोबर २०२३
जळगाव शहरातील गणेश कॉलनी परिसरात गॅसवर पाणी गरम करण्यासाठी ठेवल्याने गॅस सिलेंडरने अचानक पेट घेतल्याची घेतल्याने घराला आग लागली. ही घटना मंगळवारी सकाळी साडेदहा वाजता घडली. जिवाची पर्वा न करता केशर गणेश प्रजापत या थेट या धगधगत्या आगीत शिरल्या व गॅस सिलिंडरचा कॉक बंद केल्याने मोठा अनर्थ टळला. आगीत संसारोपयोगी साहित्य जळून खाक झाले आहे.
मिळालेल्या माहितीनुसार, शहरातील गणेश कॉलनी परिसरात गणेश प्रजापत हे भाडेतत्वावर खोली घेवून वास्तव्यास असून ते खाद्यपदार्थ विक्री करुन कुटुंबाचा उदनिर्वाह करतात. नेहमीप्रमणे सकाळी व्यवसायाच्या ठिकाणी जाण्याची तयारी करीत असताना गॅसवर पाणी गरम करण्यासाठी ठेवलेले होते. अचानक गॅस सिलिंडरने पेट घेतला. काही क्षणातच घरात आग पसरल्याने इतर साहित्य देखील आगीच्या विळख्यात आल्याने संपुर्ण खोलीत आग पसरली. प्रजापती यांच्या पत्नी केशर प्रजापत यांनी आपल्या जीवाची पर्वा न करता त्यांनी थेट घरात लागलेल्या आगीमध्ये धाव घेतली आणि सिलेंडरचा कॉक बंद केला.
अन्यथा या आगीत सिलिंडर फुटून या घरासह इतर घरांनाही धोका निर्माण झाला असता. मात्र वेळीच या महिनेने धाडस दाखविल्याने मोठा अनर्थ टळला. घराला आग लागल्यानंतर घरासमोर राहणारे दिलीप शिंपी यांनी महापालिकेच्या अग्नीशमन विभागाला माहिती दिली. काहीवेळानंतर बंब घटनास्थळी दाखल झाल्यानंतर त्यांनी आग आटोक्यात आणून सिलिंडर बाहेर काढण्यात आले. संसारपयोगी वस्तू जळून खाक या आगीत प्रजापत यांच्या घरातील रॅकवर ठेवलेल्या प्लॅस्टिकच्या बरण्यांसह भांडे, कपडे व इतर साहित्यही जळून खाक झाले असून मोठे नुकसान झाले आहे. यामुळे या कुटुंबियांचा संसार उघड्यावर आला आहे.
