जळगाव मिरर / १४ मार्च २०२३ ।
जळगाव शहरातील एका तरुणाला प्रेयसीने घड्याळ गिफ्ट दिल्याची कुणकुण तरुणाच्या पतीला लागल्याने तिने हे घड्याळ फोडले असता पतीने पत्नीच्या डोक्यात लोखंडी रॉड मारून जखमी केल्याची घटना शनिवारी सायंकाळी ६ वाजेच्या सुमारास एमआयडीसी पोलिस स्टेशन हद्दीत घडली. याप्रकरणी रविवारी पत्नीच्या तक्रारीवरून पतीविरुद्ध एमआयडीसी पोलिस ठाण्यात गुन्ह्याची नोंद करण्यात आली आहे.
पतीचे विवाहबाह्य संबंध आहेत, म्हणून जखमी महिला ही माहेरी निघून गेली होती. शनिवारी सायंकाळी ६ वाजता महिला ही सासरी परतली. तेव्हा पतीला त्याच्या प्रेयसीने दिलेली घड्याळ या महिलेला घरामध्ये दिसले. ही घड्याळ तिने फोडली. हा प्रकार पतीच्या लक्षात आल्याने त्याने महिलेला चापटा-बुक्क्यांनी मारहाण केली. त्यानंतर घरातील लोखंडी रॉड डोक्यात मारला. यात महिला गंभीर जखमी झाली. उपचार घेतल्यानंतर महिलेने रविवारी एमआयडीसी पोलिसांत तक्रार दिल्यानंतर गुन्ह्याची नोंद करण्यात आली आहे.
