जळगाव मिरर | ८ ऑक्टोबर २०२३
जळगाव शहरातील खोटे नगर परिसरातील ३५ वर्षीय तरुणाने आपल्या राहत्या घरीच गळफास घेत आत्महत्या केल्याची घटना उघडकीस आल्यानंतर मोठी खळबळ उडाली होती.
मिळालेल्या माहितीनुसार, जळगाव शहरातील खोटे नगर परिससरात बाळासाहेब लोटन पवार (वय ३५) वर्षीय तरुण भाड्याच्या घरात राहत होता. आज रविवारी दुपारी १२ वाजता उघडकीस आली. गेल्या चार वर्षांपूर्वी तरुणाच्या आई वडिलांचे निधन झाले आहे तर तीन बहिणीचे लग्न झाल्याने हा तरुण एकटाच या ठिकाणी राहत होता. याबाबत तालुका पोलीस स्टेशनला अकस्मात मृत्यूची नोंद करण्यात आली आहे. एमआयडीसी परिसरात तो एका कंपनीत तो कामाला होता. बाळासाहेब पवार याच्या आई-वडिलांचे चार ते पाच वर्षांपूर्वीच निधन झाले आहे. तर तीन बहिणींचे लग्न झाले आहे. त्यामुळे हा युवक जळगावातील खोटेनगरात भाड्याच्या घरात एकटाच राहत होता. रविवार, ८ ऑक्टोबर रोजी दुपार झाली तरी तो घराबाहेर दिसून न आल्याने घरमालक यांना संशय आल्याने त्यांनी डोकावून पाहिले असता बाळासाहेब हा गळफास घेतलेल्या अवस्थेत दिसून आला. त्या वेळी त्यांनी तालुका पोलिस स्टेशनला माहिती दिल्यावरून घटनास्थळी पोलिसांनी धाव घेऊन मृतदेह ताब्यात घेऊन पंचनामा केला. या युवकाने शनिवारी रात्रीच गळफास घेतला असावा, असा अंदाज वर्तविला जात असून बाळासाहेब पवार याला तीन बहिणी आहेत . त्या सुरत, पुणे व धुळे जिल्ह्यातील नंदाडे येथे राहतात. अगोदरच आई-वडिलांचे निधन झालेले व त्यात एकुलत्या एक भावानेही जीवन संपविल्याने बहिणींवर दु:खाचा डोंगर कोसळला आहे.या घटनेमुळे परिसरात हळहळ व्यक्त होत आहे.
