अमळनेर : विक्की उत्तम जाधव
राज्यातील अनेक जिल्ह्यात अवकाळी पावसाचा जोर वाढत असल्याने अनेक शेतकरी हैराण झाले असतांना आता जळगाव जिल्ह्यातील अमळनेर तालुक्यातील शेतकऱ्यावर आता आणखी नवीन संकट उभे राहिले आहे, मध्यरात्रीच्या सुमारास अमळनेर तालुक्यातील एका गावातून अनोळखी चोरट्यांनी ३ गुरे ढोरे चोरून नेल्याची घटना उघडकीस आल्याप्रकरणी अमळनेर पोलिसात गुन्हा दाखल करण्यात आला आहे.
मिळालेल्या माहितीनुसार, अमळनेर तालुक्यातील सारबेटे या गावात विशाल जितेंद्र ब्रम्हे (वय ४८) हे शेती करून आपल्या परिवाराचा उदरनिर्वाह करतात. दि.२९ नोव्हेबर रोजी मध्यरात्रीच्या सुमारास सारबेटे या गावातून त्यांच्या घरासमोरून २४ हजार किमतीचे ३ गुरे ढोरे अनोळखी चोरट्यांनी चोरून नेल्याची घटना उघडकीस आल्यानंतर विशाल ब्रम्हे यांनी लागलीच दुसऱ्या दिवशी अमळनेर पोलिसात धाव घेत चोरट्याविरोधात गुन्हा दाखल केला आहे. याप्रकरणी पोलीस निरीक्षक विजय शिंदे यांच्या मार्गदर्शनाखाली सहाय्यक फौजदार रामकृष्ण कुमावत हे करीत आहेत.
