जळगाव मिरर | १३ ऑगस्ट २०२६
दहशत निर्माण करण्यासाठी गावठी पिस्तुल घेवन फिरणाऱ्या राजकिरण मानसिंग परदेशी (वय २६, रा. रायपुर, ता. जळगाव) याला एमआयडीसी पोलिसांनी जेरबंद केले. ही कारवाई दि. ११ ऑगस्ट रोजी दुपारच्या सुमारास कुसुंबा विमानतळ शिवारात केली. याप्रकरणी एमआयडीसी पोलिसात गुन्हा दाखल करण्यात आला आहे.
मिळालेल्या माहितीनुसार, तालुक्यातील कुसुंबा शिवारातील विमानतळ शिवारात संशयित राजकिरण परदेशी हा तरुण विना परवाना बेकायदेशीरित्या दहशत माजविण्यासाठी गावठी पिस्तुल घेवून दहशत माजवित होता. याबाबतची माहिती पोलीस निरीक्षक बबन आव्हाड यांना मिळाली. त्यांनी गुन्हे शोध पथकाला कारवाईच्या सूचना दिल्यानंतर पथकाने संशयिताला राजकिरण परदेशीला ताब्यात घेतले. त्याची कसून चौकशी केल्यानंतर त्याच्याकडे गावठी पिस्तुल मिळून आले. याप्रकरणी पोलीस अंमलदार किरण पाटील यांनी दिलेल्या फिर्यादीवरुन गुन्हा दाखल करण्यात आला आहे. तपास सफौ विजयसिंग पाटील हे करीत आहे.
