जळगाव मिरर | १३ ऑगस्ट २०२६
हॉटेलमध्ये जेवण करीत असतांना हातात लाकडी दांडुका घेवून आलेल्या किरण शामराव चितळे (वय २८, रा. कृष्णा नगर, सुप्रिम कॉलनी) या तरुणाच्या डोक्यावर वार केले. तसेच कमरेला खोचलेल्या चाकूने त्याच्यावर वार करीत जीवेठार मारण्याचा प्रयत्न केला. ही घटना दि. ११ ऑगस्ट रोजी दुपारच्या सुमारास एमआयडीसी परिसरातील हॉटेल वासुमित्रा येथे घडली. याप्रकरणी गणेश उर्फ विक्की गोसावी (रा. नितीन साहीत्या नगर) याच्याविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील सुप्रिम कॉलनी परिसरात राहणारा किरण चितळे हा एका चटई कंपनीत सुपरवायझर म्हणून नोकरीस आहे. त्याच कंपनीत काम करणारा त्याचा मित्र आकाश अंकुश जाधव याचे आणि गणेश उर्फ विक्की सोनवणे सोबत आठ ते दहा दिवसांपुर्वी भांडण झाले होते. यावेळी किरण चितळे याने दोघांना भेटून त्यांच्यातील वाद मिटविले होते. त्यावेळी गणेश उर्फ विक्की गोसावी याने चितळे याला तू आमच्या भांडणात पडलास तर तुला पाहून घेईल अशी धमकी दिल्यानंतर ते तेथून निघून गेले होते. किरण चितळे याने वार चुकविल्यामुळे त्याच्या अंगातील शर्ट फाटले. हॉटेलमध्ये काम करणाऱ्यांनी संशयित गणेश गोसावी याला आवरले त्यानंतर याठिकाणी गर्दी होत असल्याचे बचघताच संशयित तेथून पसार झाला.
कमलेश पांडुले याने जखमी किरण चितळे याला रक्तबंबाळ अवस्थेतच एमआयडीसी पोलीस ठाण्यात नेले. परंतू त्याच्या डोक्यातून रक्तस्त्राव होत असल्याने त्याला पोलिसांनी मेडीकल मेमो देत जिल्हा रुग्णालात दाखल केले. उपचार घेतल्यानंतर किरण चितळे याने पोलिसात तक्रार दिली. त्यानुसार संशयित गणेश उर्फ विक्की गोसावी (रा. नितीन साहीत्या नगर) याच्याविरुद्ध गुन्हा दाखल करण्यात आला आहे. तपास उपनिरीक्षक अशोक काळे हे करीत आहे.
