जळगाव मिरर | १७ नोव्हेंबर २०२३
दिवाळीच्या राज्यातील सर्वच शाळांना सुट्टी लागल्याने अनेक लोकांनी बाहेरगावी जाण्याच्या प्लान आखत असतात, असाच प्लॅन जळगाव शहरातील शिक्षकाने सुट्टी असल्याने कल्याण येथील मामाच्या घरी गेले असताना तेथून परतीचा प्रवास करताना तरुण शिक्षकावर काळाने झडप घातली आहे. रेल्वेने प्रवास करत असताना धावत्या रेल्वेतून पडून शिक्षकाचा मृत्यू झाला आहे. हि घटना जळगाव शहरानजीक घडली आहे.
मिळालेल्या माहितीनुसार, मध्यप्रदेशातील बऱ्हाणपुर येथील मूळ रहिवाशी असलेले व जळगाव शहरातील रुस्तमजी इंग्लिश मीडियम स्कूलमध्ये शिक्षक म्हणून कार्यरत असलेले विजय शाम सोनी (वय २२) यांचा या घटनेत दुर्देवी मृत्यू झाला आहे. दरम्यान दिवाळीची शाळेला सुटी असल्याने या निमित्त ते कल्याण येथील मामांकडे गेले होते. कल्याणहून परत ते मुळगावी बऱ्हाणपुर येथे जाण्यासाठी १५ नोव्हेंबरला रेल्वेने प्रवास करीत होते. मात्र जळगाव ते शिरसोली दरम्यान रेल्वेतून सोनी हे खाली पडले.
घटना घडल्यानंतर जळगाव रेल्वे पोलीस ठाण्याचे हेडकॉन्स्टेबल सचिन भावसार यांनी जखमी अवस्थेत सोनी यांना जिल्हा शासकीय रूग्णालयात दाखल केले. त्यावेळी वैद्यकीय अधिकारी डॉ. सचिन पाटील यांनी मयत घोषीत केले. याबाबत जळगाव रेल्वे पोलीसात अकस्मात मृत्यूची नोंद करण्यात आली आहे. पुढील तपास हेडकॉन्स्टेबल सचिन भावसार करीत आहे.
