मुक्ताईनगर : प्रतिनिधी
शेगावकडे येणारी बस आज सांयकाळी कर्की फाट्यावर उलटल्याने वाहक हा जागीच ठार झाला असून १५ जण जखमी झाले आहे. जखमीतील दोन जणांची प्रकृती गंभीर असल्याचे समजते. घटनेची माहिती मिळताच पोलीस पथक रवाना झाले आहे.
सविस्तर वृत्त असे की, मध्यप्रदेशातील उज्जैन येवून शेगावला जाणारी मध्यप्रदेश परिवहन मंडळाची बस क्रमांक (एमपी १३ पी १३४३) ही आज सांयकाळी ६.३० वाजेच्या सुमारास मुक्ताईनगर तालुक्यातील कर्की फाट्याजवळून जात असतांना चालकाचा बसवरील ताबा सुटल्याने बस उलट्या दिशेने मागे जात थेट शेतात जावून उलटली. यात अपघातात वाहक हा जागीच ठार झाला आहे. तर १५ प्रवाशी जखमी झाल्याचे वृत्त असून यातील दोन जणांची प्रकृती चिंताजनक आहे.
जखमी झालेल्या रूग्णांना तातडीने शासकीय रूग्णालयात दाखल करण्यात आले आहे. दरम्यान या अपघाताची माहिती मिळाल्यानंतर पोलीस पथक घटनास्थळी दाखल झाले असून मदत कार्य सुरू आहे.
