उस्मानाबाद : वृत्तसंस्था
राज्यात सध्या राजकारणात मोठ्या उलथापलथी पाहायला मिळाल्या. राज्यात राज्यसभा निवडणूक, मग विधानपरिषद निवडणूक आणि त्यानंतर शिवसेनेत झालेला ऐतिहासिक बंड. यासर्वांचा परिणाम म्हणजे राज्यातील महाविकास आघाडी सरकार कोसळलं आणि शिवसेना पक्ष प्रमुख उद्धव ठाकरे यांना त्यांच्या पदावरुन पाय उतार व्हावं लागलं. त्यानंतर राज्यात शिंदे गट-भाजपच्या युतीचं सरकार स्थापन झालं. मुख्यमंत्रिपदावर एकनाथ शिंदे विराजमान झाले. यासर्व गोंधळात शिवसेनेचे अनेक आमदार, नेते शिंदे गटात सामील झाले. मात्र, काही शिवसैनिक अद्यापही उद्धव ठाकरेंच्या पाठीशी भक्कमपणे उभे आहेत. याचच एक उदाहरण नांदेडमध्ये पाहायला मिळाले.
पक्षनिष्ठा, व्यक्तीनिष्ठा शिकावी तर शिवसेनेच्या कार्यकर्त्यांकडून असं म्हटलं तर वावगं ठरु नये, शिवसेनेच्या ४० आमदारांनी बंडखोरी करत शिवसेना पक्षप्रमुख उध्दव ठाकरे यांना एकाकी पाडलं. मात्र, शिवसेनेचा कार्यकर्ता अजूनही उद्धव ठाकरेंशी एरनिष्ठ आहे. उद्धव ठाकरेंना आता शिवसैनेचा कार्यकर्ता पाठिंबा देत आहे. इथल्या एका शिवसैनिकांने चक्क आपल्या रक्ताने उद्धव ठाकरेंच्या नावे एक संदेश लिहिला आहे. यावरुनच शिवसेनेबाबत शिवसैनिकांच्या मनात अजूनही किती निष्ठा आहे हे दिसून येते.
उस्मानाबाद तालुक्यातील अनसुर्डा येथील पाडुरंग माने या कार्यकर्ताने स्वःताच्या रक्ताने उद्धव ठाकरेंना पाठिंब्याचे पत्र लिहिले आहे. “मी उद्धव ठाकरे साहेबांसोबत” असे पाठिब्यांचे पत्र लिहून ते सोशल मीडियावर व्हायरल केले आहे.
उद्धव ठाकरेंकडून पक्ष बांधणीसाठी जोर
उद्धव ठाकरे हे सध्या शिवसेना पक्ष बांधणीला अधिक महत्त्व देताना पाहायला मिळत आहेत. मुख्यमंत्रिपदाचा राजीनामा दिल्यानंतर पक्षाच्या संघटनात्मक बैठका घ्यायला सुरुवात केली आहे. उद्धव ठाकरेंनी काल जिल्हाप्रमुखांची बैठक घेतली होती. आज उद्धव ठाकरेंनी शिवसेना महिला संघटक, संपर्कप्रमुख, महिला विभाग संघटक यांची आज शिवसेना भवन येथे बैठक घेतली. यावेळी उद्धव ठाकरेंनी शिवसेनेच्या महिला पदाधिकाऱ्यांना मार्गदर्शन केले. उद्धव ठाकरेंनी शिवसेनेत बंड करणाऱ्या नेत्यांचं नाव न घेता टीका केली. आज मी एका ठिकाणी उभा एका बाजूला गद्दारांच्या डोळ्यातील विकृत हसू आणि निष्ठावतांच्या डोळ्यात अश्रू आहेत. मी या सर्वामधून नक्कीच मार्ग काढणार आहे, असं उद्धव ठाकरेंनी म्हटलं. शिवसेना पक्षाची धुरा ज्यांच्यावर सोपवली त्यांनीच पाठीत वार केला, अशी टीकाही उद्धव ठाकरेंनी मुख्यमंत्री एकनाथ शिंदे यांचं नाव न घेता केली.
