जळगाव मिरर | ११ जून २०२६
रस्ता कामासाठी गिट्टी वाहून नेणाऱ्या डंपरच्या धडकेत ५५ वर्षी यांच्या दुर्दैवी मृत्यू झाला, तर त्यांच्यासोबत असलेली चार वर्षांची नात सुदैवाने बचावली. या अपघातानंतर संतप्त ग्रामस्थांनी डंपरला आग लावून पेटवून दिल्याची घटना दि. १० बुधवारी सकाळी साडेबारा वाढेच्या सुमारास भुसावळ तालुक्यातील तपत कठोरा बुद्रूक गावाजवळील पिंप्रीसेकम शिवार रस्त्यावर घडली.
मिळालेल्या माहितीनुसार, अनिल मुकुंद पाटील (वय ५५, रा. तपत कठोरा) असे मृताचे नाव आहे. अनिल पाटील हे आपल्या चार वर्षांच्या नात परी सोबत दुचाकी (एमएच १९ बी एफ ९३२०) वरून शेतातून घरी परतत होते. त्यावेळी रस्त्यावर मुरूम टाकण्याचे काम सुरू असलेल्या डंपरने (एमएच १९ ईयू ३७३७) अरुंद रस्त्यावर मागे येताना त्यांच्या दुचाकीला जोरदार धडक दिली. या अपघातात अनिल पाटील हे डंपरखाली चिरडले गेले आणि त्यांचा जागीच मृत्यू झाला. मात्र त्यांच्या शेजारी बसलेली लहानगी परी ही थोडक्यात बचावली. अपघाताची माहिती मिळताच ग्रामस्थांनी घटनास्थळी धाव घेतली. डंपरखाली अडकलेली दुचाकी आणि मृतदेह बाहेर काढून वरणगाव ग्रामीण रुग्णालयात हलविण्यात आला. मात्र, डॉक्टरांनी तपासणीनंतर अनिल पाटील यांना मृत घोषित केले. या दुर्दैवी घटनेमुळे ग्रामस्थांमध्ये संतापाची लाट उसळली. संतप्त नागरिकांनी संबंधित डंपरला आग लावून पेटवून दिला. घटनेची माहिती मिळताच वरणगाव नगरपरिषदेच्या अग्निशमन दलाने घटनास्थळी धाव घेत आगीवर नियंत्रण मिळवले. मृत अनिल पाटील यांच्या पश्चात पत्नी, दोन मुले, दोन सुना, नातवंडे असा परिवार आहे. याप्रकरणी वरणगाव पोलिस ठाण्यात गुन्हा दाखल करण्यात आला. पोलिस निरिक्षक अमित कुमार बागुल यांचे मार्गदर्शनाखाली पुढील तपास पोलिस ईश्वर तायडे करीत आहे.
कठोरा बुद्रूक येथील शेती शिवारात सुरू असलेल्या रस्त्याच्या कामादरम्यान एक हृदयद्रावक अपघात घडला. अनिल पाटील हे आपल्या नात परीसह मोटारसायकलने जात असताना गिट्टीने भरलेल्या डंपरने अचानक रिव्हर्स घेतल्याने मोटारसायकलला जोरदार धडक दिली. या भीषण अपघातात आनंदा पाटील यांचा जागीच मृत्यू झाला. अपघात इतका गंभीर होता की मोटारसायकल डंपरखाली गेली. मात्र, परी ही डंपरच्या दोन्ही चाकांच्या मधोमध अडकल्याने सुदैवाने तिचा जीव वाचला. या चमत्कारिक बचावामुळे उपस्थितांनी सुटकेचा निश्वास सोडला.
