जळगाव मिरर । २७ ऑक्टोबर २०२२
धरणगाव शहरातील हनुमान नगर परिसरात आज सकाळी विवाहितेच्या संशयास्पद मृत्यूने प्रचंड खळबळ उडाली आहे. दरम्यान, घातपात झाल्याचा आरोप मयत विवाहितेच्या नातेवाईकांनी केला आहे. कोमल संजय महाजन (वय 23), असे मयत विवाहितेचे नाव आहे. धक्कादायक म्हणजे मयत 6 महिन्यांची गर्भवती होती.
सविस्तर वृत्त असे की, शहरातील हनुमान नगरमध्ये आज सकाळी कोमल महाजन या विवाहितेचा मृतदेह गळफास घेतलेल्या अवस्थेत घरात आढळून आला. परंतू आपल्या मुलीने आत्महत्या नव्हे तर तिचा घातपात झाल्याचं संशय मयत विवाहितेच्या नातेवाईकांनी उपस्थित केला आहे. दरम्यान, मयत कोमल 6 महिन्यांची गर्भवती होती. आणि मागील दोन वर्षांपूर्वी तिने पती निलेश सोबत प्रेमविवाह केलेला होता. दुसरीकडे मयत कोमलच्या मृतदेहाची इनकॅमेरा चौकशीची मागणी नातेवाईकांनी केली आहे. तर घटनास्थळी डी वाय एस पी रावले, सपोनि जीभाऊ पाटील, पीएसआय अमोल गुंजाळ, पोहेका विनोद संदानशिव, विजय धनगर यांच्यासह इतर कर्मचारी हजर होते.
