जळगाव मिरर । १ नोव्हेबर २०२२
धरणगाव तालुक्यातील गंगापुरी ते पष्टाणे दरम्यान दुचाकीला बोलेरोने समोरून दिलेल्या धडकेत एकाचा जागीच मृत्यू झाला आहे.
तालुक्यातील पष्टाणे येथील दोघे दुर्गेश जिनिंगमध्ये कामाला होते. ते धरणगावातून बाजार करून सायकलने घरी पष्टाणे येथे जात होते. याचवेळी गंगापुरी ते पष्टाने दरम्यान सोनवदकडून येणाऱ्या बोलेरोने त्यांच्या मोटार सायकलला समोरुन धडक दिली. यात तरुण सागर रमेश देवरे (वय २१) हा जागीच ठार झाला तर, अमोल भरत पाटील (वय २०) गंभीर जखमी झाला आहे. अमोलवर जळगाव येथील सामान्य रुग्णालयात उपचार सुरू आहेत. याबाबत धरणगाव पोलीस ठाण्यात बोलेरो चालकाविरुद्ध गुन्हा दाखल झाला आहे. पुढील तपास पोहेकॉ ईश्वर शिंदे हे करीत आहेत. मयत सागर यांच्या मागे आई, वडील व भाऊ असा परिवार आहे.
