जळगाव मिरर । ५ नोव्हेबर २०२२
शहरातील विसनजी नगरातील कॅनरा बँकेचे एटीएम फोडून त्यामधील रोख रक्कम चोरण्याचा प्रयत्न केला असल्याने बँकेच्या प्रशासनातर्फे दि.३ रोजी जिल्हा पेठ पोलिसात गुन्हा दाखल करण्यात आला होता. या प्रकरणी एक संशयितास जिल्हा पेठ पोलिसांनी ताब्यात घेतले आहे.
सविस्तर वृत्त असे कि, दि ३ रोजी शहरातील विसनजी नगरातील कॅनरा बँकेचे एटीएम फोडून त्यामधील रोख रक्कम चोरण्याचा प्रयत्न केला असल्याने बँकेच्या व्यवस्थापकांनी याबाबत जिल्हापेठ पोलिसात गुन्हा दाखल केला होता. जिल्हा पेठचे पोलीस निरीक्षक अरुण धनावडे यांच्या मार्गदर्शनाखाली या गुन्हाचा तपास हे.कॉ.फिरोज तडवी यांच्याकडे देण्यात येवून त्यांनी अज्ञात आरोपींचा शोध घेत असताना सीसीटीव्ही फुटेज व गुप्त माहितीनुसार अयोध्या नगरातील संशयित आरोपी विशाल गोकुळ राजपूत याला ताब्यात घेतले आहे.
यावेळी हे.कॉ.फिरोज तडवी यांच्यासोबत जिल्हा पेठच्या डीबी पथकातील अंमलदार पोलीस नाईक जुबेर तडवी व पोलीस शिपाई अमित मराठे यांच्या मदतीने ताब्यात घेऊन पोलीस स्थानकात आणले असता त्याने त्याच्या साथीदारासह नमूद चा गुन्हा केल्याचे निष्पन्न झाल्याने आज दि ५ रोजी त्याला अटक करून न्यायालयामध्ये हजर केले असता. न्यायालयाने त्याला एक दिवस पोलीस कोठडी सुनावली आहे. तर याच्या सोबत असलेल्या एका संशयित आरोपीचा शोध पोलीस करीत आहे. पुढील तपास पोलीस हवालदार फिरोज तडवी हे करीत आहेत.
