जळगाव मिरर । १२ नोव्हेबर २०२२
आरएमएस कॉलनीतील महिलेला जीवे मारण्याची धमकी दिल्याचा प्रकार १० ऑक्टोबर रोजी रात्री घडला आहे. याप्रकरणी रामानंद पोलिस ठाण्यात अज्ञात आरोपींविरूध्द अदखलपात्र गुन्हा दाखल करण्यात आला आहे.
सविस्तर वृत्त असे कि, आरएमएस कॉलनीतील रहिवासी रेखा सुभाष पाटील या त्यांच्या घराजवळ असताना रात्री ११ वाजेच्या सुमारास तीन ते चार जणांनी काही कारण नसताना शिवीगाळ करण्यास सुरूवात केली. या वेळी अज्ञात आरोपींनी जितेंद्र देशमुख, विनोद देशमुख, जगदीश पाटील व राजेश पाटील यांच्या नावाचा उल्लेख केला. तसेच देशमुख यांच्यासह चौघांनी तुम्हाला मारण्याची सुपारी दिल्याचे सांगत त्यांना सरेंडर होण्याचे सांगत शिवीगाळ करून जीवे मारण्याची धमकी दिली. याबाबत रेखा पाटील यांनी रामानंद पोलिस ठाण्यात फिर्याद दिली आहे.
