जळगाव :प्रतिनिधी
एका बहुउद्देशीय संस्थेच्या माध्यमातून सिनेमागृहात काश्मीर फाईल बघितल्यानंतर जे समाजविघातक वक्तव्य देऊन दोन समाजात तेढ निर्माण करणारी घटना जळगाव येथे घडली असून त्या घटनेला जबाबदार असलेल्या संस्थेला, महिलेला व समाज माध्यमाच्या प्रतिनिधींवर कारवाई करण्याची मागणी करण्यात आली. सोबतच एका रिक्षा ग्रुप वर अंतिम प्रेषित हजरत मोहम्मद यांच्या बाबत आपत्तीजनक अशी पोस्ट व्हायरल केली होती. त्या रिक्षा ग्रुपच्या एडमिनला, प्रसारित करणाऱ्या व्यक्तीला अजामीन पात्र कलमानुसार कारवाई करण्यात यावी अशी एकमुखी मागणी जळगाव शहरातील सर्वधर्मीय, राजकीय व सामाजिक संघटना द्वारे जिल्हा दंडाधिकारी व पोलीस अधीक्षक जळगाव यांच्याकडे करण्यात आली.
महाराष्ट्र राष्ट्रवादी काँग्रेस पक्ष सोशल फोरमच्या उपाध्यक्षा प्रतिभा शिरसाठ, महिला सुरक्षा समितीच्या निवेदिता ताठे, वंचित आघाडीच्या नसरुल फातेमा, जनक्रांती मोर्चाचे संस्थापक मुकुंद सपकाळे, लोकसंघर्ष मोर्चाचे भरत कर्डीले, वीर सावरकर रिक्षा युनियनचे दिलीप सपकाळे, जन क्रांतीचे वाल्मीक सपकाळे, छावा युवा मराठा महासंघाचे अमोल कोल्हे, मानियार बिरादरीचे प्रदेश अध्यक्ष फारूक शेख, महाराष्ट्र युवक काँग्रेसचे सरचिटणीस बाबा देशमुख, राष्ट्रवादी काँग्रेसचे जिल्हाध्यक्ष अल्पसंख्यांक सेल मजहर पठाण, मनसेचे जिल्हाध्यक्ष जमील देशपांडे, भारतीय राष्ट्रीय काँग्रेसचे महानगराध्यक्ष मुजीब पटेल, एम आय एम चे जिल्हाध्यक्ष अहमद शेख, कुल जमातीचे अध्यक्ष सय्यद चाँद, वहिदत ए इस्लामीचे डॉक्टर जावेद शेख, पॉपुलर फ्रंट ऑफ इंडियाचे जकी पटेल, एम्स चे अतिक शाह, समाजवादी पार्टीचे प्रदेश सचिव प्रतिनिधी शकील बागवान, शिकलगार बिरादरीचे मुजाहिद खान, ईदगाह ट्रस्टचे अनिस शाह,काँग्रेसचे अमजद पठाण, रिक्षा युनियनचे असलम शेख आदींची उपस्थिती व स्वाक्षरी होती.
