जळगाव ः प्रतिनिधी
शहरातील मटन मार्केट परिसरात सायंकाळी महिलेच्या डोक्यावर चॉपरने वार होवून महिलेचा मुलगा देखील जखमी झाल्याची घटना शहरात घडली आहे.
सविस्तर माहिती अशी की, शहरातील मटन मार्केट परिसरातील वसाहतीमध्ये मूनकाबाई बिऱ्हाडे आपल्या दोन मुल, सून, नातवंडे या आपल्या परिवारासह रहिवासास आहेत. शुक्रवारी संशयित आरोपी दिपक गायकवाड हा नशेमध्ये विनाकारण शिवीगाळ करीत अरेरावी करू लागला याचा जाब अंगणामध्ये काम करीत असलेल्या मुनकाबाई यांनी विचारला असता त्याचे वाईट वाटून दिपक गायकवाड यांनी मूनकाबाई बिऱ्हाडे यांच्या डोक्यावर तर मंगल सचिन बिऱ्हाडे याला हातावर चॉपरने वार करून हटकले. यामध्ये मूनकाबाई गंभीर जखमी झाल्याअसून दिपकला आवरण्यासाठी गेलेल्या मुनकाबाई यांचा मुलगा मंगल यालाही हातावर वार लागला आहे. हे दोघे गंभीर अवस्थेत असतांना त्यांच्या कुटूंबियांनी त्यांना शासकीय वैद्यकिय महाविद्यालय व रुग्णालयात हलविले असल्याची माहिती मिळाली आहे.
