जळगाव मिरर । २३ डिसेंबर २०२२
राष्ट्रीय ग्राहक दिन म्हणजे २४ डिसेंबर या निमित्ताने जळगावात जिजाऊ ब्रिगेड व ग्राहक पंचायत महाराष्ट्र यांच्या संयुक्त विद्यमानाने किशोरवयीन मुलींसाठी मासिक पाळीवर मार्गदर्शन व सॅनिटरी नॅपकिन वाटप करण्यात आले.
महाराणा प्रताप हायस्कूल येथे मासिक पाळी समज गैरसमज व त्याबद्द्ल घ्यावयाची काळजी या विषयावर स्त्रीरोगतज्ञ डॉ अनिता बाविस्कर (कृष्णा हॉस्पिटल) यांनी मुलींना मासिक पाळी वरील समज,गैरसमज व भीती यावर साध्या सोप्या भाषेत मार्गदर्शन केले व मासिक पाळीबद्दल ज्या अंधश्रध्दा समाजात आहे त्यांबद्दल गैरसमज दुर केलें.
किशोरवयीन विद्यार्थिनींच्या सर्व प्रश्नांची उत्तरे देऊन शंका समाधान केलें सुरुवातीला जिजाऊं व स्वर्गीय शेठ भिकमचंद जैन यांच्या प्रतिमेला पुष्पहार अर्पण करण्यात आला तसेच जिल्हाध्यक्ष लीना पवार यांनी रोगतज्ञ डॉ अनिता बाविस्कर यांचे स्वागत केले प्रास्ताविक सुचिता पाटील व आभार मनिषा पाटील यांनी मानले यावेळी(ग्राहक पंचायत महाराष्ट्र) च्या सदस्य मनिषा पाटील अंतिम पाटणी जिजाऊ ब्रिगेडच्या जिल्हाध्यक्ष लीना पवार, सुचिता पाटील, कांचन पाटील, मीनाक्षी पाटील, मुख्याध्यापक ज्ञानेश्वर पाटील व शाळेतील शिक्षक वृंद उपस्थित होते.
