जळगाव मिरर । २६ डिसेंबर २०२२
तालुक्यातील एका गावातून मध्यरात्रीच्या सुमारास अज्ञात चोरट्यांनी तब्बल ७० हजाराचे पशुधन चोरून नेल्याची घटना उघडकीस आली आहे. या प्रकरणी अमळनेर पोलिसात गुन्हा दाखल करण्यात आला आहे.
सविस्तर वृत्त असे की, तालुक्यातील अचलवाडी या गावातील रहिवासी नरेंद्र विश्वास पाटील यांच्या अंगणातून दिनांक २४ रोजीच्या मध्यरात्रीच्या सुमारास अनोळखी चोरट्यांनी ४० हजार रुपये किमतीची जर्सी गाय व तीस हजार रुपये किमतीची असलेली जर्सी गाय असे दोन पशुधन ७० हजार रुपये किमतीचे अनोळखी चोरट्यांनी चोरून नेले आहे. याप्रकरणी अमळनेर पोलीस स्टेशनमध्ये अनोळखी चोरट्याने विरोधात गुन्हा दाखल करण्यात आला आहे पुढील तपास पोहेका जनार्दन पाटील हे करीत आहे
