जळगाव मिरर । २८ डिसेंबर २०२२
शहरातील विविध प्रभागात नागरिक प्राथमिक सुविधेपासून आजही दूर आहे. तर काही प्रभागात रस्त्यांसह गटारीची मोठी दुर्दशा आहे. याकडे मनपा कुठलेही लक्ष देत नसल्याने आम आदमी पार्टीतर्फे जळगाव आयुक्त देविदास पवार यांना निवेदन देण्यात आले आहे.
निवेदनात म्हटले आहे कि, प्रभाग क्रमांक ०३,०९ मोहन नगर येथील रस्त्यांची अत्यंत बिकट अवस्था झालेली असून गटारी पूर्णपणे तुटलेले आहेत. संभाजीनगर ते मोहाडी रोडपर्यंत तयार करत असलेल्या रोडाची लेवल दीड फुटाणे वाढली असून वृंदावन गार्डन कडून जॉईन होणारा रोड हा चढतिचा असल्याकारणाने वाहनधारकांना अतिशय धोकादायक झालेला आहे या कारणास्तव नागरिकांना मनस्ताप व मानसिक त्रास सहन करावा लागत आहे. रोडचे काम लवकरात लवकर तातडीने करावे सदर डांबरी रस्त्यावर योग्य पद्धतीने सुधारणा करून रस्ता मोकळा करून देण्यात यावा. व तुटलेल्या गटारीचे नवीन बांधकाम करण्यात यावे या संदर्भात आज जळगाव मनपा आयुक्त देविदास पवार यांना निवेदन देण्यात आले. यावेळेस जळगाव शहर महानगर कार्याध्यक्ष योगेश हिवरकर यांनी या निवेदनाची दखल लवकरात लवकर घेण्यात यावी अन्यथा लोकसभागातून आंदोलन करण्यात येईल अशी भूमिका मांडली. यावेळेस जळगाव जिल्हा महिला आघाडी अध्यक्ष.डॉ.अनुजा पाटील उपशहर प्रमुख.डॉ.नारायण आटकोरे- माधवराव जाधव, शहर संघटक प्रमुख.रत्नाकर खरोटे, जिल्हा मीडिया प्रमुख योगेश भोई तसेच प्रभाग ०९ मधील नागरिकांनी मोठ्या संख्येने आपली उपस्थिती दिली.
