जळगाव मिरर । ३० डिसेंबर २०२२
चाळीसगाव तालुक्यातील मेहुणबारे गावाजवळ तिरपोळे रस्त्यावर ट्रॅक्टर उलटून ट्रॅक्टरखाली दबला गेल्याने जामदा येथील तरुणाचा जागीच मृत्यू झाला. मयत युवकाचा नुकताच साखरपुडा झाल्याची माहिती मिळाली आहे. याप्रकरणी मेहुणबारे पोलीस स्टेशनला आकस्मात मृत्यूची नोंद करण्यात आली आहे.
चाळीसगाव तालुक्यातील मेहुणबारे गावाजवळ तिरपोळे रस्त्यावरुन ट्रॅक्टरवर बसून जात असताना जामदा येथील रहिवासी २६ वर्षीय तरुण मोहन भाईदास सोनवणे ट्रॅक्टरवरील नियंत्रण सुटल्याने ट्रॅक्टर उलटले. या झालेल्या अपघातात ट्रॅक्टरखाली दबला गेल्याने मोहनचा जागीचा मृत्यू झाला. अपघातात त्यांचा मृत्यू झाल्याने गावात हळहळ व्यक्त करण्यात येत आहे. याप्रकरणी मेहुणबारे पोलीस स्टेशनला वैद्यकिय आधिकारी यांच्या खबरीवरुन आकस्मात मृत्यूची नोंद करण्यात आली आहे. पुढील तपास पोहेकॉ.अरुण पाटील हे करीत आहेत.
