जळगाव मिरर । ३१ डिसेंबर २०२२
महिलासह अल्पवयीन मुलीवर होणाऱ्या अत्याचाराच्या घटनामध्ये दिवसेंदिवस वाढ होत असतानाचे दिसून येत आहे. अशातच भडगाव तालुक्यातील अल्पवयीन मुलाने एका अल्पवयीन मुलीवर वर्षभरापूर्वी अत्याचार करीत तिला गरोदर करून त्या अल्पवयीन मुलीने एका बाळाला जन्म दिला आहे. याप्रकरणी अल्पवयीन मुलाविरोधात भडगाव पोलिसात गुन्हा दाखल करण्यात आला आहे.
सविस्तर वृत्त असे की भडगाव तालुक्यातील एका गावात परिवारासह वास्तव्यास असलेल्या अल्पवयीन मुलगी ही २०२१ मध्ये वय वर्ष 12 असे संशयित आरोपी याला माहीत असताना सुद्धा कोणास काही एक न सांगता त्याने तिच्यासोबत मंदिरात जाऊन लग्न केले त्यानंतर तिच्यावर अत्याचार करून तिला गरोदर केले. त्यानंतर अल्पवयीन मुलीने एका बाळास जन्म दिल्याने ही धक्कादायक घटना उघडकीस आली. याप्रकरणी भडगाव पोलीस स्थानकात अल्पवयीन मुलीच्या फिर्यादीवरून अल्पवयीन संशयित आरोपीवर विविध कलमाअंतर्गत गुन्हा दाखल करण्यात आला आहे. याप्रकरणी पुढील तपास पोऊनी गणेश वाघमारे हे करीत आहेत.
