जळगाव मिरर । १० जानेवारी २०२३
राज्यासह जिल्ह्यातही हिवाळ्याची थंडी जोर धरू लागल्याने शहरात सामाजिक कार्यात अग्रेसर असलेल्या जायन्ट्स ग्रुप ऑफ तेजस्विनी जळगाव व नारीशक्ती फाउंडेशन बहुउद्देशीय संस्थेने पुढाकार घेत शहरातील गरजू व अनाथ लोकांना ब्लॅंकेट वाटप केल्याने त्यांच्यावर कौतुकाचा वर्षाव होत आहे.
जळगाव शहरातील जायन्ट्स ग्रुप ऑफ तेजस्विनी जळगाव व नारीशक्ती फाउंडेशन बहुउद्देशीय संस्था नेहमीच विविध सामाजिक कार्य घडवून आणत असते. तसेच हिवाळ्यात थंडीचा जोर दिवसेदिवस वाढत असतांना रस्त्यावरील अनेक गरजू बेघर तसेच अनाथ लोकांना जायंट्स ग्रुप ऑफ तेजस्विनी जळगाव व नारीशक्ती बहुउद्देशीय संस्था जळगाव यांच्या संयुक्त विद्यमाने आपल्याला ब्लॅंकेट वाटप करण्यात आले. संस्थेच्या सदस्या किमया पाटील ह्यांचे वडील स्व. दयानंद सदाशिव पाटील यांच्या वाढदिवसाच्या औचित्याने रेल्वे स्टेशन, बस स्टँड, गोलाणी मार्केट, सिव्हिल हॉस्पिटल याठिकाणी गरजु ,रस्त्याच्या कडेला फाटक्या कपड्यांवर थंडीत झोपलेले भिकारी, निराधार वृध्द यांना जायंट्स ग्रूप ऑफ तेजस्विनी अध्यक्ष श्रीमती ज्योती राणे नारीशक्ती बहुउद्देशीय संस्था अध्यक्ष सौ.मनिषा पाटील, श्रीमती शोभा पाटील, किमया पाटील, नूतन तासखेडकर यांच्या हस्ते ब्लँकेट वाटप करण्यात आले. यासाठी मुकेश महाजन व पवन शिरसाळे यांचे अनमोल सहकार्य लाभले.
