अमळनेर : प्रतिनिधी
शहरातील विप्रो कंपनीतील सुमारे ३३ लाखांचे संतूर साबण घेऊन ट्रकमालक व चालक असे दोघे फरार झाले आहेत. या प्रकरणी अमळनेर पोलिसात दोघांविरुद्ध फसवणुकीचा गुन्हा दाखल करण्यात आला आहे.
विप्रो कंपनीतील साबणाचा माल तुमकुर (कर्नाटक) येथे पोहोचविण्यासाठी मामा ट्रान्सपोर्ट ह्या कंपनीकडून गाडीचा (क्र. आरजे ११ जीए ८१३८) चालक व मालक यांच्या मालकीचा ट्रक भाड्याने घेतला होता. ४ जानेवारी रोजी या वाहनात विप्रो कंपनीतून १० टन १०० किलो वजनाचा संतूर साबण तुमकुर (कर्नाटक) येथे पोहोचविण्यासाठी मामा ट्रान्सपोर्टकडे देण्यात आला. ९ जानेवारी रोजी गाडी तुमकुर येथे पोहोचणे अपेक्षित होते. मात्र, वाहन त्या ठिकाणी पोहोचलेच नाही. चालक आणि मालक दोघांचे फोन बंद येत आहेत.
