जळगाव मिरर । १८ जानेवारी २०२३ ।
शहरातील गेंदालाल मिल भागातील एका २६ वर्षीय तरुणाला मारहाण करून लुबाडल्याची घटना शनिवारी या परिसरात घडली आहे. तरुणाकडून बाराशे रुपयांची राेकड व पाच ग्रॅम साेन्याची अंगठी जबरदस्तीने काढून घेऊन त्याच्या डाेक्यात फरशी मारून, मांडीवर शस्त्राने वार करून जखमी केले. या प्रकरणी शहर पाेलिस ठाण्यात दाेन तरुणांविरुद्ध गुन्हा दाखल करण्यात आला.
सविस्तर वृत्त असे कि, शहरातील गेंदालाल मिल परिसरातील रहिवासी सम्राट सुरेश साेनवणे (वय २६) हा तरुण शनिवारी रात्री साडेअकरा वाजेच्या सुमारास गेंदालाल मिल परिसरातील आलिया प्राेव्हिजन जवळून जात असताना प्रशिक प्रकाश जाधव व शुभम सुनील जाधव या दाेघांनी काही एक कारण नसताना त्याला थांबवून सुरुवातीला हाताने मारहाण केली. शुभम याने फरशी डाेक्यात मारून खाली पाडले. सम्राट याला चक्कर आल्यावर त्याच्या खिशातील बाराशे रुपये व पाच ग्रॅमची साेन्याची अंगठी काढून घेतली. प्रशिक याने फिर्यादीच्या उजव्या पायाच्या मांडीवर धारदार शस्त्राने वार करून जखमी केले. जीवे ठार मारण्याची धमकी दिल्याची तक्रार सम्राट याने दिल्यावरून शहर पाेलिस ठाण्यात दाेघांविरुद्ध गुन्हा दाखल करण्यात आला. पुढील तपास एपीआय राजेश बागूल हे करीत आहेत. अद्याप संशयितांना अटक करण्यात आलेली नाही.
