जळगाव मिरर । २२ जानेवारी २०२३ ।
गेल्या दोन ते तीन वर्षापासून देशात मोठ्या प्रमाणात हनीट्रॅप घडत आहे. याच्यात अगदी सामान्य नागरीकापासून तर थेट राजकीय नेत्यापर्यत तर अभिनेतेहि यामध्ये अडकलेले आहे. पण काही नी हिम्मत दाखवीत आरोपींची तक्रार केली आहे. तर काही मात्र बदनामी पोटी पैसे देवून शांत बसण्याची भूमिका घेत असतात. अशीच काहीशी घटना मध्य प्रदेशात घडली आहे. येथील एका कॉंग्रेसच्या नेत्याच्या मुलाला तब्बल लाखो रुपयाचा चुना हनीट्रॅपच्या माध्यमातून लावण्यात आला आहे.
मध्य प्रदेशातील काँग्रेस नेत्याच्या मुलाची इंस्टाग्रामवर एका तरुणीशी ओळख झाली होती. यानंतर तरुणीने त्याला हॉटेलमध्ये भेटायला बोलावले. त्यानंतर तरुणीने मुलाचा व्हिडिओ बनवला आणि त्याला ब्लॅकमेल करण्यास सुरूवात केली. त्या मुलाला १२ लाख रुपयांनी ठगवण्यात देखील आले आहे. सहकाऱ्यांच्या मदतीने या तरुणीने नेत्याच्या मुलाला जाळ्यात अडकवले होते. तरुणीने जास्त पैशांची मागणी केल्याने मुलाने पोलीस ठाण्यात गुन्हा दाखल केला आहे. या प्रकरणाचा तपास विजय नगर पोलीस करत आहेत.
पोलिसांनी दिलेल्या माहितीनुसार, उज्जैनमधील काँग्रेसचे माजी नगरसेवक महेश टाटावत यांचा मुलगा हनी ट्रॅपचा बळी ठरला आहे. महेश याची ४ वर्षापूर्वी इन्स्टाग्रामवर एका तरुणीशी मैत्री झाली होती. त्यानंतर तरुणीने महेशला हॉटेलमध्ये भेटण्यासाठी बोलावून फसवणूक करून व्हिडिओ बनवला. त्यानंतर महेशला बलात्काराच्या खोट्या प्रकरणात अडकवण्याची धमकी देऊन ब्लॅकमेल करण्यास सुरुवात केली.
महेशने सांगितले की त्याने आतापर्यंत तरुणीला १२ लाख रुपये दिले आहेत. मात्र आता तरुणीची पैशांची अपेक्षा वाढली आहे. त्यामुळे त्याने ब्लॅकमेलिंग करून पैसे उकळल्याप्रकरणी पोलीस ठाण्यात गुन्हा दाखल करण्यात आला आहे. आरोपी विरोधात वेगवेगळ्या कलमांखाली गुन्हा दाखल करण्यात आला आहे. पोलीस आरोपींचा शोध घेत आहेत. या सर्व प्रकरणाला कंटाळून महेशने आत्महत्या करण्याचा देखील प्रयत्न केला होता. महेश चार वर्षांपासून ब्लॅकमेलिंगचा सामना करत आहे. यामधे त्याने वडिलोपार्जित जमीनही तरुणीला पैसे देण्यासाठी विकली.
