जळगाव मिरर / १७ फेब्रुवारी २०२३ ।
मध्य प्रदेशातील सिहोर येथील कुबेरेश्वर धाममध्ये पंडित प्रदीप मिश्रा यांच्या रुद्राक्ष महोत्सवाच्या पहिल्या दिवशी गुरुवारी रुद्राक्ष घेण्यासाठी तब्बल २० लाख लोकांची गर्दी उसळल्याने चेंगराचेंगरीसारखी स्थिती उद्भवली. याच गर्दीत भोवळ येऊन नाशिक जिल्ह्यातील मालेगाव येथील ५० वर्षीय माला खांडेकर यांचा हृदयविकाराचा झटका येऊन मृत्यू झाला. बुलडाण्याच्या एका महिलेसह अनेक जण बेपत्ता आहेत. तर धुळे जिल्ह्यातील शिंदखेडा येथील दोन महिलाच मृत्यू झाल्याची घटना समोर आली आहे. या परिस्थिती चिघळल्यामुळे पं. मिश्रा यांनी रुद्राक्ष वितरण बंद केले. रुद्राक्ष महोत्सवात सहभागी होण्यासाठी बुधवार-गुरुवारच्या रात्री लक्षावधी भाविक पोहोचले होते. एक रुद्राक्ष मिळवण्यासाठी काउंटर्सवर गर्दी उसळली.
धुळ्याच्या नणंद-भावजयीचा अपघाती मृत्यू
धुळे जिल्ह्यातील शिंदखेडा शहरातील सिहोर येथे रुद्राक्ष घेण्यासाठी गेलेल्या नणंद-भावजयीचा रस्ता ओलांडताना अपघाती मृत्यू झाला. ही घटना बुधवारी रात्री देवास बायपास रस्त्यावर घडली. भावजयी मंगलाबाई अभिमन जाधव (४४) व नणंद सुनंदाबाई रवींद्र मिस्तरी (४५) अशी दोघांची नावे आहेत.
