जळगाव मिरर / ३१ मार्च २०२३ ।
जळगाव शहरात गेल्या तीन ते चार दिवसापासून अपघाताची मालिका थांबता थांबत नाही आहे. आज सकाळी देखील शहरातील एमआयडीसी परिसरात क्रेनने मागून जोरदार धडक दिल्याने पुढच्या चाकाखाली येवून महिला चिरडल्या गेल्याने जागीच मृत्यू झाल्याची घटना शुक्रवारी सकाळी ९ वाजेच्या सुमारास घडली आहे. ही घटना सीसीटीव्ही कॅमेऱ्यात कैद झाली असून चालकाला एमआयडीसी पोलीसांनी ताब्यात घेतले आहे.
मिळालेली माहिती अशी कि, शहरातील म्हाडा कॉलनीतील रहिवासी रंजना उत्तम येशे (वय ५३) या महिलेचे यामध्ये मयत झाले आहे. त्यांचा मुलगा विकास हा खासगी कंपनीत नोकरीला आहे तर रंजना येसे यांचे राका चौकात लॉंड्री दुकान आहे. कपडे इस्त्री करून त्या आपल्या कुटुंबाचा उदरनिर्वाह करत होत्या. नेहमीप्रमाणे शुक्रवार ३१ मार्च रोजी सकाळी दुकान उघडून साफसफाई करून त्याचा घरी पाय जात होत्या. सकाळी सव्वा नऊ वाजेच्या सुमारास मागून येणारा क्रेन क्रमांक (एमएच ४० पी २३०९ ) ने जोरदार धडक दिली. क्रेनने धडक दिल्यानंतर त्या जमीनवर पडल्या आणि क्रेनचे पुढचे चाक त्यांच्या अंगावरून गेल्याने महिलेचा जागीच मृत्यू झाला. ही घटना ही घटना घडल्यानंतर परिसरातील नागरीकांनी धाव घेतली होती. तर क्रेन चालकाला एमआयडीसी पोलीसांच्या ताब्यात देण्यात आले आहे. यावेळी जिल्हा शासकीय वैद्यकीय महाविद्यालयात नातेवाईकांनी मोठी गर्दी केली होती. मयत महिलेच्या पश्चात मुलगा विकास, विवाहित मुलगी, सुन आणि नात असा परिवार आहे. शेवटचे वृत्त हाती आले तेव्हा एमआयडीसी पोलीस ठाण्यात गुन्हा दाखल करण्यात आला आहे. त्या विशाल मेडिकलचे संचालक छोटू जाधव यांच्या भगिनी होत.