गेल्या महिन्याभरापासून सोन्याचे दर वाढत आहेत. त्यामुळे सुवर्णखरेदीसाठी चांगला मुहूर्त लोक शोधत आहेत. सोनं खरेदी करणं आवाक्याबाहेर जात असताना आता सोन्या चांदीच्या दरात घसरण होऊ शकते अशी माहिती मिळाली आहे.
त्यामुळे तुम्ही जर लग्नासाठी सोनं खरेदी करणार असाल किंवा तुमच्या घरात कोणाला गिफ्ट देणार असाल तर तुमच्यासाठी ही बातमी महत्त्वाची आहे. येत्या गुरुवारी 25 मे रोजी गुरुपुष्य अमृत योग आहे. या मुहूर्तावर सोने खरेदीला ग्राहकांची सुवर्ण पेढ्यांमध्ये गर्दी होत असते. गेल्या तीन वेळेच्या गुरुपुष्य अमृत योगाप्रमाणे या वेळीदेखील सोन्याच्या दरात घसरण होण्याचा अंदाज आहे. ही घसरण शंभर ते हजार रुपयांपर्यंत असू शकते. मुहूर्तावर सोने खरेदी केल्याने त्यात वाढ होणे, शुभकारक ठरते असे मानले जाते. त्यांच्यासाठी गुरुपुष्य योगात दिलेल्या मुहूर्ताच्या विशिष्ट वेळीच सोने खरेदी करणे लाभदायक मानले जाते.
बाजारपेठेत सामान्य गतीने उलाढाल होत असताना गुरुपुष्य योगावर अगोदरच्या दोन, तीन दिवसांत असलेल्या सोन्याच्या दरात घसरण होत असल्याचे गेल्या तीन योगांना असलेल्या दरांशी तुलना केल्यास स्पष्ट होते. गेल्या वर्षी 25 ऑगस्ट 2022 ला गुरुपुष्य होते. याआधी दोन दिवसात सोन्याचे प्रतितोळ्याचे दर 51900 होते. ते 25 रोजी मुहूर्तावर 51600 झालं होतं. गुरुपुष्य अमृत योगाप्रमाणे धनत्रयोदशी, लक्ष्मीपूजन, अक्षय्य तृतीया, गुढीपाडव्यालाही सोने खरेदी शुभ मानले जाते. यंदा 22 मार्च अक्षय्य तृतीया होती. या दिवशी सोन्याचे दर 61,150 प्रतितोळा होते. तर पाच दिवसांनी आलेल्या गुरुपुष्याला760 रुपयांची घसरण झाली होती.
