जळगाव मिरर | २८ मे २०२३
कुठल्याही परिवारातील वहिनी व दिराचे नाते हे नेहमीच भावा-बहिणी प्रमाणे असते पण याच नात्याला जळगाव जिल्ह्यातील एका गावात काळिमा फासल्याची घटना घडलेली आहे. याप्रकरणी पारोळा पोलिसात दिराविरोधात विनयभंग केल्याप्रकरणी गुन्हा दाखल करण्यात आला आहे.
पोलिसांनी दिलेल्या माहितीनुसार, पारोळा तालुक्यातील एका गावात २८ वर्षीय महिला आपल्या परिवारासह रहायला आहे. याच परिवारातील महिलेचा दीर असलेल्या एकाने दिनांक २६ रोजी सकाळी ८.३० वाजेच्या सुमारास महिला आपल्या मुलासोबत शेतात काडीकचरा वेचण्यासाठी गेली असता. महिलेचा दीर देखील त्या ठिकाणी आला व लहान मुलाला विहिरीवर पाणी घेण्यासाठी पाठवीत. महिलेच्या जवळ येत अश्लील वक्तव्य व चुकीची मागणी केली यावर महिलेने नकार दिला असता महिलेला शिवीगाळ करीत लाथाबुक्क्यांनी मारहाण केल्याची घटना घडली आहे. या प्रकरणी महिलेने पारोळा पोलिसात धाव घेत दिराविरोधात गुन्हा दाखल केला आहे. पारोळा पोलीस निरीक्षक रामदास वाकोडे यांच्या मार्गदर्शनाखाली पुढील तपास सहाय्यक फौजदार जयवंत पाटील हे करीत आहे
