जळगाव मिरर | १७ सप्टेंबर २०२३
बनावट इन्स्टाग्राम खाते तयार करुन २१ वर्षीय तरुणीचे आक्षेपार्ह फोटो व्हायरल केल्याची उघडकीस आली आहे. या प्रकरणी सायबर पोलिस स्थानकात बनावट खाते तयार करणाऱ्याविरुद्ध गुन्हा दाखल करण्यात आला.
मिळालेल्या माहितीनुसार, जळगाव शहरातील शिवकॉलनी परिसरात २१ वर्षीय तरूणी परिवारासह रहायला असून तरूणीच्या नावाचा व फोटोचा वापर करीत बनावट इन्स्टाग्राम खाते तयार करण्यात आल्याचे बुधवारी १३ सप्टेंबर रोजी दुपारी २ वाजता लक्षात आले. या खात्यावर तरुणीचा बदनामीकारक मेसेज तसेच अश्लिल प्रकारचे स्टिकर लावून तिचे फोटो इन्स्टाग्रामच्या स्टोरीला ठेवण्यात आले. यातून तिची सोशल मीडियावर बदनामी करीत हे फोटो व्हायरल करण्यात आले. याबाबत जळगाव सायबर पोलीस ठाण्यात गुन्हा दाखल करण्यात आला आहे.
