अमळनेर : विक्की उत्तम जाधव
जळगाव जिल्ह्यात गेल्या काही महिन्यापासून अपघाताची मालिका सुरु असतांना आता अमळनेर तालुक्यातील एकलहरे गावाजवळ एस.टी. बस आणि चारचाकीची समोरासमोर धडक झाली असून चारचाकी चालक जखमी झाला आहे.
दिलेल्या फिर्यादीनुसार, १० ऑक्टोबर रोजी अमळनेर आगाराची एसटी बस शिरपूरकडे जात असताना सायंकाळी पावणेपाच वाजेच्या सुमारास भिलाली फाट्याजवळ बेटावदकडून येणाऱ्या चारचाकी (एमएच १७ / बीएम५९९९) या गाडीचालकाने भरधाव वेगाने गाडी चालवून बसला धडक दिली. यात दोन्ही वाहनांचे नुकसान झाले असून चारचाकी चालकाच्या हाता-पायाला जबर दुखापत झाली आहे.
बसचालक व प्रवाशांना किरकोळ दुखापत झाली आहे. त्यावरून मारवड पोलिसांत चारचाकी चालकाविरुद्ध गुन्ह्याची नोंद करण्यात आली असून तपास पोहेकॉ सचिन निकम करीत आहेत. जखमी चालक अंकुश घारे हा जालना जिल्ह्यातील भोकरदन तालुक्यातील रहिवासी असून त्याला नातेवाइकांनी त्याला पुढील उपचारासाठी छत्रपती संभाजीनगरला नेले आहे..