जळगाव मिरर | १५ मार्च २०२४|
भुसावळ तालुक्यातील चोरवड गावाजवळील मातोश्री हॉटेलसमोर रस्त्यावर अज्ञात वाहने कुऱ्हा पानाचे येथील युवकास धडक देत चिरडल्याची घटना गुरुवारी मध्यरात्री १.४० वाजेच्या सुमारास घडली. या प्रकरणी तालुका पोलिस ठाण्यात अज्ञात वाहनाविरूध्द गुन्हा दाखल करण्यात आला आहे.
मिळालेल्या माहितीनुसार, कुऱ्हापानाचे येथील सेंटींग काम करणारा सचिन श्रीराम सपकाळे (वय ३४) हा रस्त्याने पायी जात असताना त्याला अज्ञात वाहनाने धडक दिली. या अपगातात हा तरुण गंभीर जखमी होवून त्यांचा मृत्यू झाल्याची घटना गुरुवारी मध्यरात्रीच्या सुमारास घडली. या प्रकरणी महेंद्र शिवदास सपकाळे यांच्या फिर्यादिवरून अज्ञात वाहन चालकाविरुध्द तालुका पोलिस ठाण्यात गुन्हा नोंदवण्यात आला आहे. दरम्यान, सचिन सपकाळे यांच्या अपघाताची माहिती मिळताच ग्रामस्थ बाळू सुरवडकर, भूषण बडगुजर, योगेश सपकाळे, सोपान सपकाळे, संजय सपकाळे, रवींद्र सपकाळे, नितीन सपकाळे, कृष्णा सपकाळे, नितीन सपकाळे, राहुल धनगर यांनी अपघातास्थळी धाव घेतली. माल वाहतूक रिक्षातून या सर्वांनी मयत सचिन सपकाळे याचा मृतदेह भुसावळ ट्रामा सेंटरमध्ये दाखल केला.
