जळगाव मिरर | १२ एप्रिल २०२४
भुसावळ तालुक्यातील सुनसगाव येथून जवळच असलेल्या गोजोरे रस्त्यावर सुदर्शन पेपर मिल फाट्यावर मिनी ट्रक व मोटारसायकल यांचा अपघात होऊन दोन परप्रांतीय जागीच ठार झाले. ही घटना दि. १० एप्रिल रोजी दुपारी १२ वाजेच्या सुमारास घडला. रामसिंग गमरीया भिलाला (वय ४७, रा. कोटबैंडा, जि. खरगोन, मध्य प्रदेश) व मोटला छितरीया भिलाला (वय ४०, रा. मसानिया फाल्या, जि. खरगोन) असे मयतांचे नाव आहे.
सविस्तर वृत्त असे कि, मध्यप्रदेशातील खरगोन जिल्ह्यातील कोटबैंडा रामसिंग गमरीया भिलाला व मोटला छितरीया भिलाला हे दोघे मोटारसायकलने (एम.पी. १० झेड. बी. ०४०१) ने शेताकडून सुनसगाव गोजोरा रोडवरुन जात होते. रस्त्यावरुन जात असतांना सुनसगावकडून गोजोराकडे जाणाऱ्या ट्रकने (एम.एच. १५ डी.के. १५६९) जोरदार धडक दिल्याने दोघांचा जागीच मृत्यू झाला. या अपघातात मोटारसायकलचा चक्काचूर झाला होता.
अपघाताची माहिती मिळताच भुसावळ तालुका पोलिस स्टेशनचे पोलिस निरीक्षक बबनराव जगताप व पोउनि पूजा अंधारे, तसेच कुऱ्हा पानाचे औट पोस्टचे पोलिस कर्मचारी दीपक जाधव, प्रेमचंद सपकाळे, उमेश बारी व चालक सादिक शेख घटनास्थळी दाखल झाले व पंचनामा केला. मिनी ट्रक चालकाला अटक करण्यात आली आहे.