जळगाव मिरर | ५ जुलै २०२४
दक्षिण कोरिया मधील गुमी येथे अनेकदा माणूस विविध कारणांमुळे परेशान होऊन आत्महत्येसारखे चुकीचे पाऊल उचलतो. मात्र तुम्ही मशीनने आत्महत्या केल्याची घटना कधी ऐकली नसेल. दक्षिण कोरियामधून अशीच एक चकीत करणारी घटना समोर आली आहे. तिथे एका रोबोटने चक्क सीडीवरून उड्डी मारून आत्महत्या केली.
माणसाप्रमाणे दिसणाऱ्या रोबोटला पाहून आपण त्याला कुठल्याही भावना नसल्याचे बोललो. मात्र दक्षिण कोरियात नुकतीच एक घटना घडली आहे, तिने जगाला आश्चर्यचकीत केले आहे. कारण येथील एका रोबोटने कामादरम्यान सीडीवरून उडी मारून आत्महत्या केली. सोशल मीडियावर ही बातमी चर्चेचा विषय बनली आहे. दक्षिण कोरियाच्या गुमी सिटी काऊन्सिलमध्ये कर्मचारी म्हणून काम करणारा हा रोबोट ‘रोबोट सुपरवायझर’ या नावाने ओळखला जात होता. तो लोकांची मदत करत होता आणि कर्मचाऱ्यांमध्ये खूप लोकप्रिय होता. मात्र त्याच्या आत्महत्येच्या घटनेने रोबोटिक्स आणि आर्टिफिशियल इंटेलिजन्स (एआय) च्या क्षेत्रात महत्त्वाचा चर्चेचा विषय बनली आहे. कारण एखादी मशीनही आत्महत्येसारखे पाऊल उचलू शकते ? हा प्रश्न निर्माण झाला आहे.
आत्महत्येपूर्वी रोबोट रहस्यमय पद्धतीने एकाच जागी फेऱ्या मारताना दिसून आला. त्यानंतर तो दोन मीटर उंचीवरून सीडीवरून पडला. त्यानंतर त्याची सर्व सिस्टम खराब झाली आणि त्याचा मृत्यू झाला. आता रोबोटच्या मृत्यूच्या कारणाचा शोध घेण्यासाठी एक विशेष टीम बनवण्यात आली आहे. स्थानिक मीडियाने या घटनेला देशातील पहिली ‘रोबोट आत्महत्या’ असल्याचे म्हटले आहे.
सोशल मीडियावर ही बातमी मोठ्या प्रमाणात व्हायरल झाली. लोकांनी विविध प्रतिक्रिया दिल्या आहेत, पहिल्या व्यक्तीने म्हटले की, कामाच्या व्यापामुळे आता मशीनही आत्महत्येसारखे पाऊल उचलत आहे. तर दुसऱ्याने म्हटले की, रोबोटला एकही दिवस सुट्टी नाही, पगार नाही, त्यामुळे रोबोटलाही संघटनेची गरज आहे. ही घटना सिद्ध करते की, रोबोट आताही माणसाप्रमाणे निर्णय घेणे आणि परिस्थिती समजण्यासाठी सक्षम नाही.
