सोलापूर : वृत्तसंस्था
चार वर्षा पूर्वी झालेल्या भांडणाचा राग मनात धरून पंढरपूरहून गावाकडे येत आसता पती-पत्नीवर गोळीबार करून जीवे ठार मारण्याचा प्रयत्न केल्याप्रकरणी एकावर गुन्हा दाखल करण्यात आल्याची घटना मंगळवारी (दि.8) दुपारी 12 वाजेच्या सुमारास तालुक्यातील येवती रोपळे महामार्गावर घडली आहे. घटनेची माहिती मिळताच उपचारासाठी दाखल करण्याचे आदेश देत पोलिस निरीक्षक हेमंत शेडगे घटनास्थळी रवाना झाले.
मिळालेल्या माहितीनुसार, फिर्यादी शिवाजी कुंडलिक जाधव (रा. येवती) यांची सून साक्षी बजरंग जाधव हिची छेड काढल्या प्रकरणी घराजवळ राहणारा दशरथ केरु गायकवाड याला या प्रकरणी जाब विचारून मारहान करत मोहोळ पोलिस स्टेशनला दशरथ गायकवाड यांच्या विरुद्ध तक्रार दिली होती. याचा राग दशरथ गायकवाड याच्या मनात होता. मंगळवारी शिवाजी जाधव व त्यांची पत्नी सुरेखा शिवाजी जाधव दोघे पंढरपुर येथे देवदर्शन करून परत येत असताना येवती गावच्या शिवारात स्कूटीवरुन जाताना दशरथ केरु गायकवाड याने ’तुला आता जिंवत सोडत नाही’, असे म्हणून पिस्तुलातून पत्नीला दोन गोळ्या घातल्या.
पत्नी सुरेखा हिच्या पाठीवर व उजव्या बाजूस छातीवर गोळी लागली. त्याच्या पिस्तुलमधून दोन गोळ्या झाडल्या. त्यानंतर शिवाजी यांच्यावरही गोळ्या झाडल्या. गोळीबार झालेल्या ठिकाणी येवती रोपळे रस्त्यावर जागोजागी जिवंत काडतुसे व दोन मॅक्झिन पोलिसांना सापडले आहेत. या घटनेचा तपास पोलिस निरीक्षक हेमंतशेडगे करीत आहेत. जखामींना वाहनाने उपचाराकरिता पंढरपूर येथे दाखल केले आहे. सध्या उपचार चालू आहेत. याप्रकरणी मागील भांडणाचा राग मनात धरून आम्हा पती-पत्नीला जिवे ठार मारण्याचा प्रयत्न केल्याप्रकरणी शिवाजी जाधव यांनी दिलेल्या तक्रारीनुसार गुन्हा दाखल केला. सदर आरोपी गायब आहे. पोलिस तपास सुरू आहे.
