जळगाव मिरर | १५ जून २०२५
जळगाव जिल्हा पालकमंत्री ना. गुलाबरावजी पाटील यांच्या मार्गदर्शनाखाली शिवसेना वैद्यकीय मदत कक्षातर्फे पंढरपूर वारीसाठी पायी निघालेल्या वारकऱ्यांच्या आरोग्याची काळजी घेत मोफत औषध वाटप उपक्रम हाती घेण्यात आला आहे.
वारी मार्गातील कन्नड घाट तसेच अन्य विश्रांती स्थळांवर मोफत वैद्यकीय सेवा देण्यात येणार असून, आज औषधांचा साठा वारी समितीचे विजय कासार यांच्याकडे औपचारिकपणे सुपूर्द करण्यात आला.
या वेळी शिवसेना वैद्यकीय मदत कक्षाचे उत्तर महाराष्ट्र सचिव जितेंद्र गवळी, भावेश ढाके, महानगर प्रमुख दिपक पाटील, फार्मासिस्ट सेल प्रमुख चेतन तांबोळी, धिरज राठोड, राहुल गवळी आणि शुभम गवळी आदी मान्यवर उपस्थित होते.
या उपक्रमामुळे वारकऱ्यांना प्रवासादरम्यान प्राथमिक वैद्यकीय सुविधा मोफत मिळणार असून, आरोग्याच्या दृष्टिकोनातून ही एक महत्त्वपूर्ण मदत ठरणार आहे.
