जळगाव मिरर | २५ जून २०२५
जिल्हा पोलिस दलातील १९ अधिकाऱ्यांच्या प्रशासकीय बदल्या करण्यात आल्या आहेत. या बदल्यांचे आदेश सोमवारी जिल्हा पोलिस अधिक्षक डॉ. महेश्वर रेड्डी यांनी काढले असून, बदली झालेल्या अधिकाऱ्यांमध्ये ६ सहाय्यक पोलिस निरीक्षक तर १३ पोलिस उपनिरीक्षकांचा समावेश आहे.
या बदलीप्रक्रियेत चार अधिकाऱ्यांच्या विनंती बदल्या झाल्या आहेत. बदली प्रक्रियेचे आदेश जारी झाल्यानंतर संबधित पोलिस अधिकाऱ्यांना नवीन नेमणुकीच्या ठिकाणी तत्काळ हजर व्हावे लागणार आहे. बदली झालेल्या सहाय्यक पोलिस निरीक्षकांमध्ये अजयकुमार वाढवे यांची यवतमाळ येथून यावल, संजय निकुंभ पुणे शहरातून पाचोरा, नितीन पाटील यांची नाशिक येथून बाजारपेठ भुसावळ, गणेश फड यांची नियंत्रण कक्षातून आर्थिक गुन्हे शाखेत, योगिता नारखेडे यांची मानव संसाधन विकास विभागातून एएचटीयु विभागात बदली झाली आहे. तर पोलिस उपनिरीक्षकांमध्ये अशोक खेडकर यांची गोंदियाहू न जळगाव शहर, अविनाश राठोड यांची रायगडहून रावेर, शांताराम देशमुख यांची जिल्हापेठ येथून पाचोरा, सुनील मोरे यांची यावलहून रावेर तर उपविभागीय पोलिस अधिकाऱ्यांचे वाचक समाधान गायकवाड यांची अमळनेरला बदली झाली आहे. त्याचप्रमाणे चाळीसगाव ग्रामीण पोलिस ठाण्याचे कुणाल चव्हाण, पाचोरा येथील योगेश गणगे, अप्पर पोलिस अधिक्षकांचे वाचक सुनील चौधरी, तक्रार अर्ज शाखेचे मकसूद शेख आणि शनिपेठच्या प्रिया दातीर यांना वर्षभराची मुदतवाढ मिळाली आहे.
जिल्ह्यातील तीन पोलिस उपनिरीक्षकांच्या विनंती बदल्या झाल्या आहेत. त्यात भुसावळ तालुक्याचे नंदकिशोर काळे यांची मुक्ताईनगरला, मंगळू बेंडकोळी यांची बाजारपेठ भुसावळ येथून वरणगावला तर जितेंद्र वल्टे यांची चोपडा शहरातून स्थानिक गुन्हे शाखेत बदली झाली आहे. सहाय्यक पोलिस निरीक्षक राजेंद्र चाटे यांची मुक्ताईनगरातून भुसावळ तालुक्याला बदली झाली आहे.
